સુરત શહેરમાં 245 દિવસ બાદ કોરોનાના કેસ 1 હજારને પાર પહોંચ્યો છે. આ સાથે એક્ટીવ કેસ પણ વધીને 3024 થઈ છે.
ઓમિક્રોનની દહેશત વચ્ચે સુરતમાં કોરોનાના કેસ વધ્યા
સુરતમાં 245 દિવસ બાદ કોરોનાના કેસ 1 હજારને પાર
સૌથી વધુ અઠવા ઝોનમાં 484 કેસો નોધાયા
અગાઉ 6 મે 2021એ 1039 કેસ નોંધાયા હતા
સુરતમાં કોરોના બેકાબૂ બની રહ્યો છે. રોજે રોજ કોરોનાના નવા કેસો રેકોર્ડબ્રેક કરી રહ્યા છે. આજે પણ સુરતમાં કોરોના ની કેસોની સંખ્યા એક હજારને પાર કરી ગઇ છે. નોંધનીય છે કે સુરતમાં 245 દિવસો બાદ કોરોના કેસોની સંખ્યા 1 હજારને પાર થઈ છે. છેલ્લે 6 મે, 2021 ના રોજ સુરતમાં 1039 કોરોનાના કેસ નોંધાયા હતા.
સુરત શહેરમાં 1105, ગ્રામ્યમાં 88 નવા કેસ
રાજ્યમાં કોરોના વાયરસના નવા કેસોમાં અમદાવાદ પ્રથમ છે, જયારે આજે સુરતમાં પણ નવા કેસોનો રાફડો ફાટ્યો છે. સુરત શહેરમાં આજે 1105 નવા કેસ નોંધાયા છે,તો સુરત ગ્રામ્ય એટલે કે સુરત જિલ્લામાં 88 નવા કેસ નોંધાયા છે. સુરત શહેરમાં કરોનાના નવા કેસો વધવાની સાથે એક્ટીવ કેસ પણ વધીને 3024 થયા છે.
અઠવા અને રાંદેર ઝોનમાં સૌથી વધારે કેસ
આજે સુરતમાં કોરોના કેસોની સંખ્યા 1,105 પર પહોંચી છે. જેમાં સૌથી વધારે કેસો સુરતના અઠવા અને રાંદેર ઝોનમાંથી સામે આવ્યા છે. સૌથી વધારે કેસ અઠવા ઝોનમાં 484 લીધા છે. જ્યારે રાંદેર ઝોનમાં 220 જેટલા કેસ નોંધાયા છે.
આજે 94 વિદ્યાર્થીઓ સંક્રમિત થયા
બીજી બાજુ સુરત શહેરના વિવિધ શાળાઓ અને કોલેજોમાં 94 જેટલા વિદ્યાર્થીઓ અને 6 શિક્ષકો પણ કોરોના ઝપટમાં આવી ગયા છે. જેને લઈને આરોગ્યતંત્ર પણ હરકતમાં આવીને આ શાળા તથા કોલેજોમાં જે તે વર્ગ બંધ કરવાનું પણ નક્કી કરવામાં આવ્યું છે.