કોંગ્રેસ નેતા રાહુલ ગાંધીએ રાજસ્થાનમાં ગરીબ અને બેરોજગારો માટે મોટી જાહેરાત કરતા જણાવ્યું કે 1100 રૂપિયામાં મળતા રસોઈના ગેસ સિલિન્ડર 500 રૂપિયામાં આપવામાં આવશે.
કોંગ્રેસ નેતા રાહુલ ગાંધીએ રાજસ્થાનમાં ગરીબ અને બેરોજગારો માટે મોટી જાહેરાત
1100 રૂપિયામાં મળતા રસોઈના ગેસ સિલિન્ડર 500 રૂપિયામાં આપવામાં આવશે
અનેક જાહેરાત કરી સરકાર વિરુદ્ધ માર્યા ચાબખા
કોંગ્રેસ નેતા રાહુલ ગાંધીએ રાજસ્થાનમાં ગરીબ અને બેરોજગારો માટે મોટી જાહેરાત કરી છે. શનિવારે એક ફેસબુક પોસ્ટ મારફતે રાહુલ ગાંધીએ જણાવ્યું કે મોંઘવારી, બેરોજગારી, યુવાઓ અને ખેડૂતોની સમસ્યાને અમે બહુ નજીકથી જોઈ છે અને સમજી પણ છે આથી આવા લોકોની પીડા પારખી જનતાને રાહત આપવા માટે નિર્ણય લેવા જઈ રહ્યા છીએ. જેના ભાગરૂપે હ.વે રાજસ્થાનમાં કોંગ્રેસ સરકાર દ્વારા 1100 રૂપિયામાં મળતા રસોઈના ગેસ સિલિન્ડર 500 રૂપિયામાં આપવામાં આવશે.
નોકરી સહિતના આપ્યા વાયદા
વધુમાં તેમણે કહ્યું કે, દરેક પરિવારને 100 યુનિટ સુધી મફત વીજળી આપવામાં આવશે, ઉપરાંત ચિરંજીવી યોજના હેઠળ 25 લાખ રૂપિયા સુધીનો વીમો, એક લાખ યુવાનોને નોકરી, ખેડૂતોને 2000 યુનિટ સુધી મફત વીજળી, મોંઘવારી રાહત પેકેજ, 12 ધોરણ સુધીનું મફત શિક્ષણ, મહિલાઓને બસ ભાડામાં છૂટ અને કોરોનાથી અનાથ થયેલાને સરકારી નોકરી ઉપરાંત ઘણી લોક કલ્યાણકારી યોજનાઓ રાજસ્થાનના લોકોને મોંઘવારી, બેરોજગારી જેવી સમસ્યાઓમાંથી ઉગારી શકે છે.
રાહુલ ગાંધીએ કર્યા આક્ષેપ
રાહુલ ગાંધી સોશિયલ મીડિયામાં કરેલી પોસ્ટમાં જણાવ્યુંકે ભારત જોડો યાત્રા દરમિયાન દેશના યુવાનો, મહિલાઓ, ખેડૂતો, મજૂરો સાથે વાતચિત કરી હરિ. જેમા કોંગ્રેસ મોંઘવારી ઘટાડવા, બેરોજગારી ખતમ કરવા, ખેડૂતોના પ્રશ્નો ઉકેલવાની દિશામાં કાર્યવાહી કરી રહી છે અને બજેટમાં તે દ્રશ્યમાન પણ થાય છે. રાહુલ ગાંધીએ વધુમાં જણાવ્યું કે એક બાજુ કેન્દ્ર સરકારનું બજેટ છે જ્યારે બીજી બાજુ દેશના એક રાજ્યનું બજેટ છે. કેન્દ્ર સરકારના બજેટમાં સરકારે મોંઘવારી અને બેરોજગારી જેવા મુદ્દાનો છેદ ઉડાડી દીધો હોય તેમ કહીં વડાપ્રધાન મોદી વિરુદ્ધ પણ આક્ષેપો કર્યા હતા.