વાયરલ / VIDEO : 11 વર્ષની છોકરીની પાછળ પડ્યું કૂતરાનું ટોળું, જુઓ કેવી કરી હાલત, વીડિયો વાયરલ

• ગાઝિયાબાદ અને નોઈડામાં વધ્યો રખડતાં કૂતરાનો આતંક
• ગાઝિયાબાદમાં હવે કૂતરાના ટોળાએ 11 વર્ષની છોકરીને કરી ઘાયલ
• બચકાં ભરી ભરીને અધમૂઈ કરી નાખી, હોસ્પિટલમાં દાખલ કરવી પડી 

દિલ્હી નજીકના ગાઝિયાબાદમાં રખડતાં કૂતરાનો આતંક વધી રહ્યો છે. કૂતરા ગમે તેને ગમે ત્યારે નિશાન બનાવવા લાગ્યો છે. નવા કિસ્સામાં કૂતરાના ટોળાએ 11 વર્ષની એક છોકરીને નિશાન બનાવી હતી અને તેને બચકાં ભરીને અધમુઈ કરી નાખી હતી. 

#Watch: 11-Year-Old's Narrow escape as stray dogs chase her in Ghaziabad@ghaziabadpolice@Uppolice#DOGATTACK #Ghaziabad #Dog #Bite #News #Girl #ViralVideo #uttarpradesh #UPnews #IndiaNews #Viral #dogs pic.twitter.com/n0fJexATqi

— Free Press Journal (@fpjindia) November 20, 2022

11 વર્ષની છોકરીને બચકાં ભર્યાં 
ગાઝિયાબાદના વિજય નગરમાં રહેતા દંપતીની એક વર્ષની બાળકી રિયા શનિવારે સાંજે ઘરની બહાર રમી રહી હતી. ત્યારે રખડતાં કૂતરાનું એક ટોળું ત્યાં આવ્યું હતું અને તેની પર હુમલો કરી દીધો. કૂતરાઓએ છોકરીના ચહેરા પર બચકાં ભર્યા હતા જોકે ઘટનાસ્થળે હાજર પરિવારજનો અને આસપાસના લોકોએ આવીને બાળકીને કૂતરાથી બચાવી લીધી હતી. 

છોકરીની હાલત ખૂબ જ ગંભીર 
કૂતરા કરડવાથી બાળકીના ચહેરા પર ઊંડા ઘા થયા છે. માતાપિતા તેને જિલ્લા એમએમજી હોસ્પિટલમાં લઈ ગયા હતા જ્યાંથી યુવતીને પીજીઆઈ રિફર કરાઈ હતી. એમએમજી હોસ્પિટલના ડોક્ટરે જણાવ્યું કે, છોકરીની હાલત ખૂબ જ ગંભીર છે. આ ઘટના બાદ સ્થાનિક લોકોમાં રોષ જોવા મળી રહ્યો છે. તમને જણાવી દઈએ કે અગાઉ પણ ગાઝિયાબાદમાં કૂતરાના હુમલાને કારણે ઘણા લોકો અને બાળકો ઘાયલ થયા છે, પરંતુ તેને રોકવા માટે કવાયતમાં જિલ્લા પ્રશાસન દ્વારા કોઈ નક્કર અને અસરકારક પગલા લેવામાં આવ્યા નથી.