અનોખી સિદ્ધિ / ગુજરાતની દિકરી સર્જશે વર્લ્ડ રેકોર્ડ, માત્ર 11 વર્ષની ઉંમરમાં 4 ફૂટ લાંબા વાળ, જુઓ વીડિયો

• સાબરકાંઠાનું નામ થશે રોશન
• 11 વર્ષની દીકરીની મોટી સિદ્ધિ
• કેશ પ્રત્યેનો પ્રેમ સર્જશે વર્લ્ડ રેકોર્ડ

વાળ પર લાંબા અને ભરાવદાર વાળ હોય તે દરેક છોકરી કે મહિલા ઇચ્છતી હોય છે. આજની હાઇ લાઇફસ્ટાઇલમાં લોકોને ખરતા વાળની બહુ સમસ્યા. છોકરીઓ અને મહિલાની મોટાભાગે આ ફરિયાદ હોય જ કે મારા લાંબા વાળ થતા નથી, વાળ ખરી રહ્યા છે. ત્યારે આવી મહિલાઓને ઇર્ષ્યા કરાવે તેવી એક વાત સામે આવી છે.. 11 વર્ષની દિકરીના 4 ફૂટ લાંબા વાળ, જાણીને નવાઇ લાગીને , કે આટલી નાની ઉંમરમાં આટલા લાંબા વાળ ક્યાંથી, જાણીએ વધુ માહિતી વિગતવાર 

11 વર્ષની ઉંમર, 4 ફૂટ લાંબા વાળ

સાબરકાંઠાના હિંમતનગરમાં 11 વર્ષીય દિકરી ધીમહિ. કે જેને નાનપણથી જ વાળ પ્રત્યે અનેરો લગાવ.  હાલમાં તે 11 વર્ષની છે પરંતુ તેના વાળ 4 ફૂટ લાંબા છે. 4 ફૂટ 2 સેમી લંબાઇ ધરાવતા વાળ આ દિકરીની ઓળખ બની ગયા છે. ધીમહિએ આટલા વર્ષમાં એક જ વાર વાળ કપાવ્યા છે તેની પાછળ કારણ એ હતુ કે વાળ પગમાં આવતા હતા એટલે કપાવવા પડ્યા.

ગિનિસ બુક ઓફ વર્લ્ડ રેકોર્ડમાં બનાવશે રેકોર્ડ

ધીમહીના આવા સારા વાળ હોવાનું કારણે એનો પરિવાર અને ખાસ કરીને તેની માતાની મહેનતછે. આટલા લાંબા વાળ રાખવા એક મુશ્કેલી ભર્યુ કામ છે પરંતુ ધીમહિની માતાને કારણે તેના આટલા લાંબા વાળ થયા છે.  જો આટલી નાની ઉંમરમાં આટલા લાંબા વાળ એ કોઇ સિદ્ધિથી કમ નથી.આથી ધીમહીનું નામ વર્લ્ડ બુક ઓફ રેકોર્ડમાં નોઁધાવા જઇ રહ્યું છે.  જેને લઇને પરિવાર સહિત હિંમતનગરમાં ખુશીની લાગણી જોવા મળી રહી છે.