ઇંગ્લેન્ડનો 11 વર્ષનો વર્ષનો બાળક રાતે બનેલા અકસ્માતમાં આબાદ બચી ગયો. તેના બેડ પર પડેલું સેમસંગનું ટેબલેટ એકાએક ગરમ થવા લાગ્યું અને તેમાં આગ ફાટી નીકળી. આવા જ એક બનાવમાં ગત વર્ષે ચાર્જીંગ દરમિયાન ફોનની બેટરી ફાટતા નાઝીર હુસેન નામના યુવાનનું મોત થયું હતું. તેણે બ્લેકબેરી અને હુઆવેના ફોન એકસાથે ચાર્જ કરવા મુક્યા હતા.દુનિયાભરમાં મોબાઇલ સહિતના ડિવાઇસમાં આગ લાગવાની કે બેટરી ફાટવાની ઘટના બનતી હોય છે.
તેમાં કેટલાક બનાવો પાછળ ખામીયુકત બેટરી કારણભુત હોય છે જયારે કેટલાકમાં યુઝર્સની બેદરકારી.જોકે મોબાઇલ હોય કે ટેબલેટ તેની સલામતી માટે કેટલીક બાબતો ધ્યાનમાં રાખવી જરુરી છે. મોબાઇલ ચાર્જીંગ માટે કયારેય થર્ડ પાર્ટી ચાર્જરનો ઉપયોગ ન કરવો જોઇએ. કેટલાક લોકો મોબાઇલ સાથે આવેલું ઓરીજનલ ચાર્જર બગડી જોય તો માર્કેટમાંથી ગમે તે કંપનીનું અને કયારેક સસ્તું ચાર્જર લઇ આવે છે.
આવા ચાર્જરથી બેટરી ફાટવાનું જોખમ હંમેશા રહે છે.મોબાઇલમાં બેટરી બદલવાની જરુરિયાત ઉભી થાય તો મોબાઇલ કંપનીએ જે તે ડિવાઇસ માટે નક્કી કરેલી ઓરિજનલ બેટરી જ નાખવી જોઇએ.ઘણા લોકોને રાતે મોબાઇલ ચાર્જીંગમાં મુકવાની ટેવ હોય છે.
નિષ્ણાતો કહે છે કે મોબાઇલની બેટરી કયારેય પણ ઓવરચાર્જ ન કરવી જોઇએ.મોબાઇલને અત્યંત ગરમ જગ્યાએ ન રાખો.આ ઉપરાંત મોબાઇલને બેડ કે લાકડાના સળગે તેવા
ફર્નીચર પર મુકીને પણ કયારેય ચાર્જ ન કરો. રાતે સુતી વખતે ઓશિકા નીચે મુકેલો ફોન ચાર્જ કરવાની ભુલ તો કયારેય પણ કરશો નહીં.તમરા સ્માર્ટફોન કે અન્ય ડિવાઇસને સીધા તડકામાં મુકવો ન જોઇએ.
બેટરીનો પ્રોબ્લેમ હોય તો મોબાઇલને તેને ઓથઓરાઇઝડ સર્વિસ સ્ટેશનમાં જ આપવો જોઇએ.મોબાઇલ જયારે ચાર્જ થતો હોય ત્યારે તેના પર બીજો મોબાઇલ કે કોઇ પણ વજનદાર વસ્તુ ન હોય તેની કાળજી રાખો.ચાર્જીંગ વખતે બને તો મોબાઇલનું કેસ કઢી નાખો કેમ કે ચાર્જીંગ વખતે બેટરી અને મોબાઇલ ગરમ થાય છે. કેસના મોબાઇલ વધુ ગરમ થાય છે.