પુણેમાં બની ચોંકાવનારી ઘટના, મા બાપે પોતાના 11 વર્ષના પુત્ર સાથે કર્યુ ક્રૂરતા ભર્યુ કૃત્ય, પોલીસે મા બાપને કર્યા જેલભેગા
પુણેમાં માતા પિતાએ ક્રૂરતાની વટાવી હદ
2 વર્ષથી 11 વર્ષના બાળકને શ્વાન સાથે કર્યો કેદ
એક નહી પરંતુ 22 શ્વાન સાથે એકજ રુમમાં કર્યો કેદ
ભગવાનથી પણ ઉપરનું સ્થાન પ્રાપ્ત થયુ છે માતા પિતાને. કયા મા બાપ એવા હોય જેમને પોતાનું બાળક વ્હાલુ ન હોય. મા બાપ ગુસ્સો કરે, વઢે પરંતુ પ્રેમ ક્યારેય સંતાનો પ્રત્યે ખૂટે નહી. પરંતુ એક હૃદય કંપાવનારી ઘટના સામે આવી છે જે જાણીને એમ થાય કે કોઇ મા બાપ આવા ક્રૂર હોઇ શકે ખરા ? મા બાપે પોતાના સંતાન પ્રત્યે જાણે સંવેદનાઓ જ ગુમાવી દીધી હોય તેવી એક ચોંકાવનારી ઘટના સામે આવી.
એક રુમમાં 22 શ્વાન સાથે 11 વર્ષનો બાળક રહેતો
માતા-પિતાએ 11 વર્ષના પુત્રને 22 શ્વાન સાથે છેલ્લા બે વર્ષથી કેદ રાખ્યો હતો. જો કે, તેના માતા-પિતા ઘણીવાર તેની મુલાકાત લેવા આવતા હતા. પરંતુ ઘરમાંથી ગંદી વાસ મારતી હતી અને કૂતરા ભસવાનો અવાજ સતત આવ્યાકરતો હતો. જેને કારણે પાડોશીઓએ પોલીસ ફરિયાદ કરતા પોલીસે દરોડા પાડીને બાળકને કેદમાંથી મુક્ત કર્યો હતો. પુણેના કોંઢવા જિલ્લામાં ગત બુધવારે મોડી રાતે આ ઘટના બની હતી. પોલીસે હાલમાં આરોપી માતા પિતાને ઝડપી પાડીને કાયદેસરની કાર્યવાહી હાથ ધરી.
પાડોશીએ ફરિયાદ કરતા પોલીસે પાડી રેડ
પુણેના વરિષ્ઠ પોલીસ નિરીક્ષકના જણાવ્યા અનુસાર એક રુમમાં 22 શ્વાન સાથે આ છોકરો રહેતો હતો. જેમાંથી મોટા ભાગના શ્વાન રસ્તા પરથી ઉઠાવીને લઇને આવ્યા હતા. આરોપી માતા પિતા બાળકને જમવા આપવામાં આવતા હતા. પરંતુ ભોજન આપીને તેઓ ચાલ્યા જતા હતા. બાળક ઘરની બાલ્કનીમાં બેસીને શ્વાન જેવુ વર્તન કરવા લાગ્યો. બાળકને જોઇને પાડોશીઓ પણ વિચારમાં પડી ગયા. અને પોલીસમાં ફરિયાદ કરી દીધી.
બાળકને શ્વાન સાથે રાખવાનું કારણ શું ?
પોલીસે ચાઇલ્ડ હેલ્પ લાઇનની મદદથી ફ્લેટમાં રેડ પાડીને બાળકને સ્વસ્થ બહાર કાઢવામાં આવ્યો. ચાઇલ્ડ વેલફેર સેન્ટર દ્વારા હાલ બાળકને સુધાર ગૃહમાં મોકલામાં આવ્યું છે. જ્યારે માતા-પિતા પર જુવેનાઇલ જસ્ટિસ એક્ટ કલમ 23 અને 28 હેઠળ કેસ દાખલ કરવામાં આવ્યો છે. આ મામલે બાળકને શ્વાન સાથે રાખવા પાછળ કોઇ ખાસ કારણ જાણી શકાયું નથી.
શ્વાનની જેમ વર્તન કરવા લાગ્યો બાળક
તપાસમાં સામે આવ્યું છે કે આરોપી દંપતીને કૂતરા પાળવાનો શોખ હતો. તે ઘણીવાર શ્વાન લાવીને બાળક સાથે રુમમાં રાખતા. જેથી શ્વાન જોઇ રહી રહીને બાળકમાં પણ તેવા લક્ષણો આવવા લાગ્યા. પાડોશીઓએ પોલીસને જણાવ્યું કે બાળક બારીમાં બેસીને કૂતરાની જેમ કામ કરતો હતો. કોરોનાને કારણે શાળાઓ બે વર્ષથી બંધ હતી. શાળા શરૂ થતાં બાળકે શાળાના અન્ય બાળકોને પણ કૂતરાની જેમ કરડ્યો હતો. આ દાવાની પુષ્ટિ કરવા માટે પોલીસ ગુરુવારે શાળામાં જઈને મામલાની તપાસ કરશે.