અપડેટ / PM કિસાનનો 11મો હપ્તો ક્યારે થશે રિલીઝ ? આ રીતે સ્ટેટસ કરો ચેક અને જાણો ખાતામાં પૈસા આવશે કે નહી

• પ્રધાનમંત્રી કિસાન સન્માન નિધિ યોજના
• 11મો હપ્તો ક્યારે થશે રિલીઝ
• લાભાર્થીઓ 11મા હપ્તાની જોઇ રહ્યા છે રાહ

પ્રધાનમંત્રી કિસાન સન્માન નિધિ યોજનાના 12 કરોડ 50 લાખથી વધુ લાભાર્થીઓ 11મા હપ્તાની રાહ જોઈ રહ્યા છે. એવી આશા છે કે પીએમ મોદી એપ્રિલના અંતિમ સપ્તાહમાં તેને રિલીઝ કરી શકે છે. 11મા હપ્તાની ચૂકવણી  એપ્રિલથી જુલાઈ દરમિયાન થશે. યોજના હેઠળ, દર વર્ષે લાભાર્થી ખેડૂતોને ત્રણ હપ્તાઓ દ્વારા વાર્ષિક રૂ. 6000 આપવામાં આવે છે.

E-KYC કરવું ફરજિયાત

પીએમ કિસાન સન્માન નિધિ યોજના હેઠળ, કેન્દ્ર સરકાર  2000-2000 ના ત્રણ હપ્તામાં દર વર્ષે ખેડૂતોના ખાતામાં 6000 રૂપિયા સીધા ટ્રાન્સફર કરે છે. સરકાર દ્વારા 10 હપ્તા બહાર પાડવામાં આવ્યા છે. 12.50 કરોડથી વધુ નોંધાયેલા ખેડૂતો 11મા હપ્તાની રાહ જોઈ રહ્યા છે. પરંતુ, આ વખતે હપ્તાના પ્લાનમાં મોટો ફેરફાર કરવામાં આવ્યો છે. ખેડૂતો માટે ઇ-કેવાયસી કરવું ફરજિયાત કરવામાં આવ્યું છે. ઈ-કેવાયસીની ગેરહાજરીમાં પૈસા અટવાઈ શકે છે. 31 મે 2022 સુધીમાં ઈ-કેવાયસી કરાવવું જરૂરી છે.

આ રીતે પણ કરી શકો છો ચેક 

કેન્દ્ર દ્વારા જાહેર કરાયેલા હપ્તામાં રાજ્યોની મંજૂરી પણ છે. 11મા હપ્તા માટે અમુક રાજ્યવી સરકારે મંજૂરી  આપી નથી. જો પીએમ કિસાન પોર્ટલ પર સ્ટેટસ ચેક કરતી વખતે જો Waiting for approval by state લખેલુ આવે તો તેનો મતલબ એ છે તે રાજ્ય સરકાર તરફથી હજી અપ્રુવલ મળ્યુ નથી.  https://pmkisan.gov.in/ આ વેબસાઇટ પર સ્ટેટસ ચેક કરી શકાશે.
 
જાણો આ સ્ટેટસનો શું મતલબ ?

RFTનો અર્થ Request For Transfer. આનો સીધો અર્થ એ થયો કે રાજ્ય સરકારે લાભાર્થીનો ડેટા ચેક કર્યો છે, જે સાચો જણાયો છે. મતલબ કે આવા કિસ્સાઓમાં, રાજ્ય સરકાર વતી કેન્દ્રને હપ્તાના નાણાં લાભાર્થીના ખાતામાં મોકલવા વિનંતી કરવામાં આવી છે. જો  FTO જનરેટ થયું છે અને પેમેન્ટ કન્ફર્મેશન બાકી છે તો તેનો અર્થ એ કે ફંડ ટ્રાન્સફર પ્રક્રિયા શરૂ થઈ ગઈ છે. હપ્તો છૂટતાની સાથે જ, રકમ થોડા દિવસોમાં તમારા ખાતામાં ટ્રાન્સફર થઈ જશે.

જો તમે હજુ સુધી પીએમ કિસાન સન્માન નિધિ યોજનામાં નોંધણી કરાવી નથી, તો તમે પણ તેનો લાભ લઈ શકો છો. આ માટે તમારે PM કિસાન પોર્ટલ પર પોતાને રજીસ્ટર કરાવવું પડશે.

STEP 1: PM કિસાન યોજનાની સત્તાવાર વેબસાઇટ- www.pmkisan.gov.in ની મુલાકાત લો

STEP 2: અહીં 'ફાર્મર્સ કોર્નર' હોમ પેજની જમણી સાઈટમાં દેખાશે.

STEP 3: અહીં 'નવી ખેડૂત નોંધણી' વિકલ્પ પર ક્લિક કરો.

STEP 4: નોંધણી ફોર્મ તમારી સ્ક્રીન પર દેખાશે.

STEP 5: તમારી સાચી વિગતો સાથે ફોર્મ ભરો.

STEP 6: ફોર્મ ભર્યા પછી, એકવાર તેની સમીક્ષા કરો અને પછી 'સબમિટ' બટન પર ક્લિક કરો. તમારું રજીસ્ટ્રેશન થઈ જશે.