કેન્દ્ર સરકારે રાતોરાત ટ્રાફિક નિયમનો ભંગ માટે દંડ તો વધારી દીધો પણ હાલમાં તો એવો પ્રશ્નાર્થ ઉઠી રહ્યો છે કે શું ટ્રાફિક દંડ વધારી મોદી સરકારનો દાવ ઉંધો તો નથી પડ્યો ને? નીતિન ગડકરીએ દંડની જાહેરાત કર્યા બાદ અત્યાર સુધી ભાજપ શાસિત ગુજરાત સહિત છ રાજ્યોએ આ કાયદો અને દંડની રકમનો વિરોધ કર્યો છે. અમુક રાજ્યો રાજ્યોએ તો રાજ્યમાં પોતાનો દંડ પણ ઘટાડ્યો છે.
દેશમાં 11 રાજ્યો કેન્દ્રના વિરોધમાં આવ્યાં તેમાંથી 6 તો ભાજપ શાસિત જ
પશ્ચિમ બંગાળ, કર્ણાટક અને તૃણમુલ કોંગ્રેસે કર્યો મોટર વ્હીકલ એક્ટનો વિરોધ
નીતિન ગડકરીએ તો કડક પણે આજ નિયમો અને દંડ વસુલવાના આદેશ કર્યા છે પણ...
જો કે કેન્દ્રીય પરિવહન મંત્રી નીતિન ગડકરીએ તો કેન્દ્ર સરકારે ફેરફાર કરેલાં ટ્રાફિક નિયમો અને દંડ રકમ વસુલવવા અંગે કડક અમલવારીના આદેશ આપ્યા છે. પણ કોણ જાણે ગડકરીનું કોઈ સાંભળી જ ના રહ્યું હોય તેવી રીતે રાજ્ય પોત પોતાની રીતે વિરોધ સાથે નવા નિયમો બનાવી રહ્યા છે. નવા ટ્રાફિકના કાયદાને લઈને કેન્દ્ર અને રાજ્ય સરકાર પર દબાવ વધી રહ્યો છે. ભાજપા શાસિત ગુજરાત અને ઉત્તરાખંડે દંડની રાશિ ઘટાડી છે. અન્ય તરફ રાજસ્થાન સરકારે પણ 33માંથી 17 નિયમોમાં ફેરફાર કરીને 50 ટકા સુધીની દંડની રકમ ઘટાડી છે.
નવા ટ્રાફિકના કાયદાને લઈને કેન્દ્ર અને રાજ્ય સરકાર પર દબાવ વધી રહ્યો છે. રાજસ્થાન સરકારે પણ 33માંથી 17 નિયમોમાં ફેરફાર કરીને 50 ટકા સુધીની દંડની રકમ ઘટાડી છે. એક દેશ એક કાયદાનું સ્લોગન આપનાર ભારતીય જનતા પાર્ટીની કેન્દ્ર સરકાર માટે હવે તેમનો કાયદો જ મુશ્કેલી બની ગયો છે. 1 સપ્ટેમ્બરથી લાગુ કરવામાં આવેલા મોટર વ્હિકિલ એક્ટ પછી હજારો રૂપિયાના ચલણ ફાટવાથી આ મુદ્દે વિવાદ વધી ગયો છે. પરિણામે બીજેપી શાસિત ઘણી રાજ્ય સરકારે કાયદામાં ફેર સંશોધન કરવાની અથવા દંડની રકમ ઘટાડવાની અરજી કરી છે.
આ રાજ્યોએ પણ મોટર વ્હિકલ એક્ટનો કર્યો વિરોધ
આ મહત્વના રાજ્યો સિવાય પશ્ચિમ બંગાળ, કર્ણાટક જેવા અમુક રાજ્યોએ પણ નવા મોટર વ્હિકલ એક્ટનો વિરોધ કર્યો છે. જ્યારે તૃણમૂલ કોંગ્રેસે આ કાયદાનો સંસદમાં વિરોધ કર્યો હતો. મમતા સરકારે પણ આ કાયદાને લાગુ કરવાનો ઈન્કાર કરી દીધો છે. બીજેપી શાસિત કર્ણાટક રાજ્ય સરકારે પણ વધારે પડતી દંડની રકમનો વિરોધ કર્યો છે અને ટૂંક સમયમાં જ દંડની રકમ ઓછી કરી દેવાના સંકેત આપ્યા છે.
આ 2 રાજ્યોએ ઘટાડી દંડની રકમ
વડાપ્રધાન નરેન્દ્ર મોદી અને ગૃહ મંત્રી અમિત શાહના ગૃહ રાજ્ય ગુજરાતે સૌથી પહેલાં આ નિયમમાંથી છુટકારો મેળવવાનો રસ્તો શોધી લીધો છે. રાજ્યના મુખ્યમંત્રી વિજય રુપાણીએ દંડમાં છૂટ આપવાની જાહેરાત કરી છે અને દંડની રકમમાં અંદાજે 90 ટકાનો ઘટાડો કરી દીધો છે. તો અન્ય તરફ ભાજપ શાસિત રાજ્ય ઉત્તરાખંડે પણ દંડની રકમને ઘણી વધારે ગણાવી છે. અહીં મુખ્યમંત્રી ત્રિવેન્દ્ર સિંહ રાવતે રાજ્યમાં નવા મોટર વ્હિકલ એક્ટમાં ફેરફાર કરીને દંડની રકમ અડધી કરી દીધી છે.
નીતિન ગડકરીએ કેમ લાગુ કર્યો આટલો કડક કાયદો
કેન્દ્રીય પરિવહન મંત્રી નિતિન ગડકરીએ મોટર વ્હિકલ એક્ટ 2019ને ઐતિહાસીક ગણાવ્યો છે. તેમના મત પ્રમાણે આ કાયદો લાગુ થતાં દેશમાં 50 ટકા એક્સિડન્ટ ઓછા થઈ જશે. ગડકરીએ આ કાયદો રજૂ કરતાં કહ્યું હતું કે, દેશમાં દર વર્ષે 5 લાખ એક્સિડન્ટ થાય છે અને તેમાં અંદાજે દોઢ લાખ લોકો મૃત્યુ પામે છે અને તેમાં પણ 65 ટકા જેટલા યુવકોનો ભોગ લેવાય છે. આ આંકડો દુનિયામાં સૌથી વધારે છે. દેશમાં દારૂ પીને વાહન ચલાવવું, મોબાઈલ પર વાત કરતાં કરતાં વાહન ચલાવવું કે સીટ બેલ્ટ ન બાંધવાના કારણે પણ ઘણાં રોડ એક્સિડન્ટ થઈ રહ્યા છે.
કર્ણાટકના ઉપમુખ્યમંત્રીઓએ કહ્યું કંઈક આવુ
કર્ણાટકના ઉપ મુખ્યમંત્રી ગોવિંદ કરજોલે કહ્યું કે સારી સડકો હોવાના કારણે દુર્ઘટના થવાના ચાન્સ વધે છે. લોકો ફાસ્ટ વાહન ચલાવે છે અને દુર્ઘટના થાય છે. હું વધારે દંડને સમર્થન આપતો નથી પણ કેબિનેટ મીટિંગમાં દંડ અંગે સંશોધન કરશું.
Karnataka Dy CM Govind Karjol: Major accidents happen due to good roads where people drive at the speed of 120 to 160 kmph. Majority of accidents occur on highways. I don't support levying high fines. We will take a decision on the revision of fines during cabinet meeting (11.9) pic.twitter.com/NP0TeT35Pq
મધ્યપ્રદેશના પરિવહન મંત્રી ગોવિંદ સિંહ રાજપૂતે કહ્યું કે કેન્દ્ર સરકાર મોટર વાહન નિયમને તુઘલખી આદેશ ગણાવ્યો. તેઓએ કહ્યું કે દંડની રાશિ સામાન્ય માણસ ખર્ચ કરી શકે તેનાથી પણ વધારે છે. હું મુખ્યમંત્રી સાથે ચર્ચા કરીશ અને તેને ઘટાડવાનો પ્રયાસ કરીશ.
Madhya Pradesh Transport Minister Govind Singh Rajput: Union government's Motor Vehicle Act is a 'Tughlaqi' order. Most of the fines are more than what common man can afford. I will discuss the matter with the Chief Minister and try to lessen the burden wherever required. pic.twitter.com/heV5QmUX15