ઝારખંડ / નક્સલીઓએ કરેલા IED બ્લાસ્ટમાં 11 જવાનો ઇજાગ્રસ્ત

જવાનોનું સંયુક્ત દળ જ્યારે સર્ચ ઓપરેશન કરી રહ્યું હતું ત્યારે IED બ્લાસ્ટ કરવામાં આવ્યો. ઇજાગ્રસ્ત જવાનોને સારવાર અર્થે હોસ્પિટલ ખસેડવામાં આવ્યાં છે જ્યાં તેઓની સારવાર ચાલી રહી છે.

 ઉલ્લેખનીય છે કે આ અગાઉ છત્તીસગઢના દંતેવાડામાં નક્સલીઓ દ્વારા વાહનોને આગચંપી કરવામાં આવી હતી. છત્તીસગઢના દંતેવાડામાં સુરક્ષાબળ અને નક્સલીઓ વચ્ચે અથડામણ જોવા મળી હતી જેમાં સુરક્ષાબલના જવાનોએ બે નક્સલીઓને ઠાર માર્યા હતા. 

આમ ઝારખંડના સરાયકેલામાં નક્સલીઓએ IED બ્લાસ્ટ કર્યા બાદ જવાનો પર ફાયરિંગ કર્યું. જો કે જવાનોએ સામે જવાબી કાર્યવાહી કરી. સરાયકેલામાં પોલીસ અને નક્સલીઓ વચ્ચે અથડામણ જોવા મળી છે. આ અથડામણમાં ઇજાગ્રસ્ત જવાનોને સારવાર માટે હેલિકોપ્ટરથી રાંચી ખસેડવામાં આવ્યા.