Coronavirus / ભારતની સર્વોચ્ચ હોસ્પિટલ AIIMSના ડૉક્ટરો અને નર્સ સહિત 206 જેટલો મેડિકલ સ્ટાફ કોરોના પોઝિટિવ

• એમ્સમાં શુક્રવારે વધુ 11 આરોગ્યના કર્મચારીઓમાં સંક્રમણ જોવા મળ્યું
• દેશની આ ટોચની હોસ્પિટલમાં કોરોના વાયરસ પોઝિટિવ કર્મચારીઓની સંખ્યા 206 થઇ

AIIMSના એક અધિકારીએ જણાવ્યું કે એક ફેબ્રુઆરીથી લઇને બે ફેકલ્ટી સભ્યો, 10 રેસિડેન્ટ ડૉક્ટરો, 26 નર્સો, 9 ટેક્નિશિયનો, 5 ભોજનાલય ક્રમચારીઓ, 49 હોસ્પિટલ એટેન્ડન્ટ, 34 સફાઇ કર્મચારીઓ અને 69 સુરક્ષા ગાર્ડો સહિત 206 સ્વાસ્થ્ય કર્મચારીઓ કોરોનાની ઝપેટમાં આવી ગયા છે. 

હોસ્પિટલના મેડિકલ સુપ્રીટેન્ડેન્ટ ડૉ. ડી કે શર્માએ જણાવ્યું કે 150થી વધારે સ્વાસ્થ્ય કર્મચારીઓ સાજા થઇ ચૂક્યા છે અને કામ પર પાછા આવી ચૂક્યા છે. ગત ત્રણ દિવસોમાં રેસિડેન્ટ ડૉક્ટરો, નર્સો, પ્રયોગશાળા કર્મચારીઓ, ટેક્નિશિયનો, સફાઇ કર્મચારીઓ અને સુરક્ષા ગાર્ડો સહિત 64થી વધારે સ્વાસ્થ્ય કર્મચારીઓમાં કોરોના સંક્રમણ જોવા મળ્યું છે. 

ડૉ. શર્માએ કહ્યું કે અમે સંસ્થામાં પોતાના સ્વાસ્થ્ય કર્મચારીઓ માટે તમામ સાવધાનીઓ રાખી રહ્યા છે અને સુરક્ષા માપદંડોનું પાલન કરી રહ્યા છે. જ્યારે કોઇ સ્વાસ્થ્ય કર્મચારીમાં સંક્રમણ જોવા મળે છે, ત્યારે અમે તેને તાત્કાલિક આઇસોલેટ કરીએ છીએ અને તેના સંપર્કમાં આવેલા લોકો વિશે જાણકારી મેળવવાની પ્રક્રિયા શરૂ કરીએ છીએ. 

તેઓએ કહ્યું કે સંક્રમણનો ભોગ બનનારા સ્વાસ્થ્ય અને સહાયક કર્મચારી હોસ્પિટલના કોરોના અને બિન કોરોના ક્ષેત્રોથી છીએ. એન્જિનિયરિંગ, લેબ, કાર્યાલયો, કેન્ટિન, ઓપરેશન થિયેટર જેવા તમામ પ્રકારના વિભાગોના કર્મચારીઓ ઝપેટમાં આવ્યા છે.

આ પહેલા એમ્સના એક સ્વચ્છતા સુપરવાઇઝરનું રવિવારે કોરોના વાયરસથી મોત થઇ ગયું, એ પહેલાના સપ્તાહે હોસ્પિટલની કેન્ટીનના એક કર્મચારીનું પણ મોત થઇ ગયું હતું. સૂત્રો અનુસાર શુક્રવારની સવાર સુધીમાં 11 સ્વાસ્થ્ય કર્મચારીઓના નમૂના પોઝિટિવ જોવા મળ્યા, જ્યારે 30 સ્વાસ્થ્ય કર્મચારી ગુરુવારની સવાર સુધીમાં સંક્રમણ જોવા મળ્યું અને 23 કર્મચારીઓ બુધવારની સવાર સુધીમાં પોઝિટિવ જોવા મળ્યા હતા.