મણિપુરમાં હિંસા / VIDEO : મણિપુરમાં 'કૂકી'ની પથારી ફરી! CRPFએ 11 આતંકીઓ ઠાર કર્યાં, હુમલા માટે આવ્યાંતા

મણિપુરમાં માંડ શાંત પડેલી સ્થિતિ પાછી વકરી છે. જિરીબામ જિલ્લામાં આજે CRPF સાથેની અથડામણમાં 11થી વધુ કૂકી આતંકીઓ માર્યાં ગયા હતા. આ તમામ આતંકીઓ સીઆરપીએફ સ્ટેશન પર હુમલો કરવાના આવ્યાં હતા પરંતુ તેમની મેલી મુરાદ બર આવી નહોતી અને પહેલેથી જ એલર્ટ જવાનોએ તેમને ઠાર કરી નાખ્યાં હતા.

હુમલો કરવા આવેલા 11 કૂકી આતંકીઓને ઠાર કર્યાં

આતંકવાદીઓએ CRPF કેમ્પ પર હુમલો કર્યો હતો. જે બાદ બંને તરફથી એન્કાઉન્ટર શરૂ થઈ ગયું હતું. આ અચાનક થયેલા હુમલામાં એક જવાન પણ ઘાયલ થયો છે. સૈનિકને એરલિફ્ટ કરીને હોસ્પિટલ લઈ જવામાં આવ્યો છે.

મણિપુરમાં નવેસરથી હિંસા

મણિપુરમાં ગત વર્ષના મે મહિનામાં શરુ થયેલી હિંસા અટકવાનું નામ નથી લેતી. ઈમ્ફાલ ખીણમાં પહાડી વિસ્તારોમાં રહેતા મેતઈ અને કુકી સમુદાયના લોકો વચ્ચે જાતિય હિંસા ફાટી નીકળી હતી. આ હિંસા અને આગચંપીમાં 200 થી વધુ લોકો માર્યા ગયા અને હજારો લોકો બેઘર થયા મુખ્ય હિંસા બાદ પણ અનેક વાર હિંસા થઈ હતી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ