ઓમાનમાં મેકુનુ વાવાઝોડાએ ભારે કહેર મચાવ્યો છે. ઓમાનમાં જ્યાં જુઓ ત્યાં તારાજીના જ દ્રશ્યો દેખાઈ રહ્યા છે. દરિયાના પાણી શહેરમાં ઘુસી ગયા છે. તો એક જ દિવસમાં 3 વર્ષનો વરસાદ થઈ ગયો છે.
જેના કારણે નદી નાળામાં ભારે પૂરની સ્થિતિ સર્જાઈ છે. ત્યારે ઓમાનથી એક ચોંકાવનારા દ્રશ્યો સામે આવ્યા છે. જેમાં એક બિલ્ડિંગ 10 જ સેકન્ડમાં જમીનદોસ્ત થઈ જાય છે. બિલ્ડિંગની બાજુમાં નદીનો પટ છે. અને તેમાં પૂરના ધસમસતા પાણીનો પ્રવાહ જઈ રહ્યો છે.
જેથી બિલ્ડિંગ એક સાઈડ નમી જાય છે. અને ગણતરીની જ સેકન્ડમાં તે નદીમાં સમાઈ જાય છે. જોકે આ ઘટનામાં જાનહાનિના કોઈ જ અહેવાલ મળ્યા નથી.