મહારાષ્ટ્રના ધૂલે જિલ્લામાં ગમખ્વાર અક્સમાત સર્જાયો છે. રવિવાર મોડી રાત્રે બસ અને કન્ટેનર વચ્ચે થયેલા અકસ્માતમાં 11 લોકોના મોત નિપજ્યાં છે જ્યારે અન્ય 20 લોકો ઘાયલ થયા છે. જેમાંથી 8 ઇજાગ્રસ્તોની હાલત ઘણી ગંભીર હોવાનું જાણવા મળ્યું છે. આ દુર્ઘટના શહાદા-ઔરંગાબાદ રોડ પર ધૂલે જિલ્લાના દોંડાઇચા ગામ પાસે સર્જાયો છે.
આ અકસ્માત બાદ કેટલાંક યાત્રીઓ બસની કેબિનમાં ફસાઇ ગયા હતા. એક મળતાં અહેવાલ મુજબ બસ ઔરંગાબાદ તરફ જઇ રહી હતી, જેમાં 45 મુસાફરો સવાર હતા. આ અકસ્માતના ઇજાગ્રસ્તોને નજીકની હોસ્પિટલમાં સારવાર હેઠળ ખસેડવામાં આવ્યાં છે, જ્યાં તેઓનો ઇલાજ કરવામાં આવી રહ્યો છે.
ઉલ્લેખનીય છે કે ગત મહીને મહારાષ્ટ્રના પૂણે-બેંગ્લોર હાઇવે પર એક કાર અકસ્માત સર્જાયો હતો. કાશઇલ ગામ પાસે થયેલા આ અકસ્માતમાં સાત લોકોના મોત નિપજ્યાં હતા. આ અકસ્માતમાં કાર ઝાડ સાથે ટકરાઇ હતી.
Maharashtra: 10 dead and 20 injured after a bus collided with a canter truck near Nimgul village in Dhule, late last night. pic.twitter.com/7i49q3z3pT