ટ્રાવેલિંગ સમયે કે બહાર જતી સમયે તમને પણ ઉલ્ટી આવે છે તો તમે આ આયુર્વેદિક ઉપાયોની મદદ લઈ શકો છો.
ઉલ્ટીની સમસ્યામાં મળશે રાહત
અજમાવી લો 11 ઘરેલૂ અસરકારક ઉપાયો
ટ્રાવેલિંગમાં નહીં રહે કોઈ સમસ્યા
અપચો થવો, મોશન સિકનેસ, ગર્ભાવસ્થા કે જીવ ગભરાવવામાં ઉલ્ટી આવે તે સામાન્ય વાત છે. આ કારણે અનેક વાર તમે શરમ પણ અનુભવો છો. આ સાથે કોશિશો બાદ પણ આરા મળતો નથી. જો તમે ટ્રાવેલિંગમાં હોવ કે ક્યાંક બહાર જઈ રહ્યા હોવ અને ઉલ્ટી આવવા લાગે તો વધારે પરેશાન થવાની જરૂર નથી. તમે ઉલ્ટી રોકવા માટે દવાનો પ્રયોગ કરો છો તો તેને બદલે આ આયુર્વેદિક અને ઘરેલૂ ઉપાયો અજમાવી લેવાથી રાહત મળશે. તો જાણો કયા છે આ 11 ઉપાયો.
જાણી લો ઉલ્ટી રોકવાના અસરકારક 11 ઉપાયો
જો તમે તુલસીનો રસ કાઢીને પાણીમાં મિક્સ કરીને પીશો તો ઉલ્ટીમાં આરામ મળશે. તુલસીના પાનના રસને મધમાં મિક્સ કરીને પી શકાય છે. જો વારે ઘડી ઉલ્ટી આવે તો ડુંગળીના રસમાં મધ મિક્સ કરીને પીઓ.
ઉલ્ટી જેવું લાગે તો 2-2 દાણા કાળા મરી લઈને તેને ચૂસો. આ સિવાય કાળા મરી લઈને કારેલાના પાનના રસમાં મિક્સ કરો અને તેને પીઓ.
લવિંગ પણ ઉલ્ટી રોકવામાં મદદ કરે છે. મોઢામાં લવિંગ રાખો અને સાથે તેને તજની સાથે ઉકાળીને પી લેવાથી ઉલ્ટી રોકાઈ જાય છે.
આદુ અને લીંબુના રસને બરાબર પ્રમાણમાં લો અને પાણી સાથે પીઓ. આદુમાં એન્ટી એમિટિક ગુણ હોય છે જે પાચન તંત્રને સારું રાખવામાં મદદ કરે છે.
લીમડાની છાલનો રસ કાઢીને મધની સાથે મિક્સ કરીને પીઓ. ઉલ્ટીમાં આરામ મળશે.
અડધી ચમચી કલૌંજીનું તેલ, અડધી ચમચી આદુનો રસ મિક્સ કરીને તેને સવાર સાંજ પીવાથી રાહત મળશે.
અજમો, કપૂર અને ફૂદીનાના પાનના ફૂલને 10 -10 ગ્રામ મિક્સ કરો. તેને કાચની બોટલમાં ભરી લો અને તડકામાં રાખો, થોડીવારમાં તેનો રસ બની જશે. તેના 3-4 ટીપાં પીઓ. એક દિવસમાં એક કે બે વાર તેનો ઉપયોગ કરો.
કોથમીરનો રસ કાઢો. તેમાં થોડું સિંધવ મીઠું, એક લીંબુનો રસ મિક્સ કરીને એક ગ્લાસ પાણી બનાવીને પી લો.
અડધી ચમચી કોથમીર પાવડર, અડધી ચમચી વરિયાળીનો પાવડર એક ગ્લાસ પાણીમાં નાંખો અને તેમાં થોડી ખાંડ કે મિસરી ઓગાળીને પીઓ.