ચીનમાં લગ્ન અને છૂટાછેડાં વિશેનો એક એવો કિસ્સો સામે આવ્યો છે કે જેણે પણ તેના વિશે સાંભળ્યું તે હેરાન રહી ગયું. હકીકતમાં એક જ પરિવારના 11 લોકોએ અંદરોઅંદર જ 23 વખત લગ્ન કર્યા પરંતુ બાદમાં 2 અઠવાડિયાની અંદર જ તમામે એકબીજાથી છૂટાછેડાં પણ આપી દીધાં.
ચીનમાં અનોખા છૂટાછેડા
11 લોકોએ અંદરોઅંદર 23 વખત કર્યા લગ્ન
સરકારી યોજનાનો લાભ મેળવવા કર્યા લગ્ન
મીડિયા રિપોર્ટ્સ અનુસાર સરકારી યોજનાનો લાભ મેળવવા માટે પરિવારના લોકોએ એક-બીજા સાથે લગ્ન કર્યા હતાં. આ વાતની શરૂઆત ત્યારે થઈ જ્યારે ઝેજિયાંગ પ્રાંતના લિશુઈ શહેરમાં રહેનારા પૅન નામના શખ્સને સરકારની શહેરી નવીનીકરણ વળતર યોજના વિશે ખ્યાલ આવ્યો. આ યોજના મુજબ સ્થાનિક નિવાસીઓએ ઓછામાં ઓછાં 40 વર્ગ મીટરના એક અપાર્ટમેન્ટ આપવાની રજૂઆત હતી. પછી તેમની પાસે કોઈ સંપત્તિ હોય કે ન હોય.
પૅને પત્નીને છોડ્યા બાદ સાળી અને બહેન સાથે પણ કર્યા લગ્ન
પૅને આ સરકારી યોજનાનો લાભ લેવા માટે એક યોજના બનાવી અને પોતાની પૂર્વ પત્ની સાથે ફરીથી લગ્ન કરી લીધા જેની સાથે તેણે 2011માં છૂટાછેડાં લીધાં હતા. આ બાદ સરકારી યોજના હેઠળ તેને અપાર્ટમેન્ટ મળી ગયું. ત્યાર બાદ 6 દિવસ બાદ તેણે પોતાની પૂર્વ પત્નીને છૂટાછેડાં આપી દીધાં. પૅનની લાલચ વધી ગઈ અને અપાર્ટમેન્ટ માટે પોતાની સાળી સાથે તો ઠીક પરંતુ પોતાની બહેન સાથે પણ લગ્ન કરી લીધાં.
ચીનની એક વેબસાઈટ પીપલ્સ ડેઈલીના જણાવ્યા અનુસાર પૅનન અન્ય સંબંધીઓ પણ આ છેતરપિંડીમાં શામેલ થઈ ગયાં. ત્યાં સુધી કે તેના પિતા અને માતાએ પણ લગ્ન કરી લીધાં. આમ કરીને તેમણે ગામના નિવાસીઓના રૂપમાં પોતાનું રજિસ્ટ્રેશન કરાવ્યું અને બાદમાં છૂટાછેડાં લીધાં. પરંતુ આવાસ યોજનાના અધિકારીઓને આખરે આ છેતરપિંડીની જાણકારી મળી ગઈ.
એક જ એડ્રેસના કારણે ઝડપાયું સમગ્ર કૌભાંડ
અધિકારીઓએ તપાસ કરી તો જે 11 લોકોએ લગ્ન કર્યા હતા તેમનું એડ્રેસ એક જ હતું અને તેમના સંબંધોનો પણ ખુલાસો થયો. ત્યાર બાદ તમામ લોકોની ધરપકડ કરી લેવામાં આવી હતી. હાલમાં ચાર લોકોને અટકાયતમાં રખાયા છે જ્યારે અન્ય લોકોને જમાનત પર છોડી દેવાયાં છે.