ખતરો / 11 ચીની મોબાઈલની સામે કેન્દ્ર સરકારે મોટી એડવાઈઝરી, સૈનિકોને તાબડતોબ ફોન બદલવાનું કહેવાયું, જાણો શું કર્યું ડ્રેગને

• 11 ચીની બ્રાન્ડના મોબાઈલ સામે એડવાઇઝરી જાહેર
• ગુપ્તચર એજન્સીઓએ ચાઇનીઝ મોબાઈલના ઉપયોગ અંગે કરી એડવાઇઝરી જાહેર

સીમા પર ભારત અને ચીન વચ્ચેના તણાવ અટકવાનું નામ જ નથી લેતા આવી સ્થિતિ વચ્ચે ગુપ્તચર એજન્સીઓએ 11 ચીની બ્રાન્ડના મોબાઈલ સામે એડવાઇઝરી જાહેર કરી 
ભારતીય સૈનિકોને ચીની મોબાઈલ બદલવા અંગે કહેવામાં આવ્યું છે. આ સમગ્ર મામલે સૂત્રો પાસેથી જાણવા મળી રહ્યું છે કે આ વિસ્તારમાં સૈનિકોને સાવધાની રાખી અને પોતાના ફોન બીજી કંપનીમાં બદલવા માટે અનુરોધ કરવામાં આવ્યો છે.

દુશ્મન દેશમા બનતા મોબાઈલ ફોન ન ખરીદવા સૂચના
જે મામલે લિસ્ટ એકસેસ કરાવી છે જેમાં ભારતીય બજારમાં મળતા 11 અન્ય જાણીતી ચાઈનીઝ બ્રાન્ડના મોબાઈલનો સમાવેશ થાય છે જેને બદલવા જણાવ્યું છે જેમાં વન પ્લસ, oppo અને realme કંપનીના મોબાઈલ બદલવા જણાવાયું છે. જારી કરવામાં આવેલી એડવાઇઝરીમાં સૈન્ય સાથે સંકળાયેલા વ્યક્તિઓ અને તેના પરિવારજનોએ ભારતના દુશ્મન દેશમા બનતા મોબાઈલ ફોન ન ખરીદવા અથવા તેના ઉપયોગને ટાળવા કહેવામાં આવ્યું છે.

સંવેદનશીલ માહિતી પણ લીક થઈ શકે છે

દુષમન દેશમાં બનેલા મોબાઈલ અને તેના વપરાશમા રહેલા જોખમ મામલે લોકો જાણે છે. ચાઈનીઝ મોબાઇલ અને એપ્સના ઉપયોગથી ફોનના સંબંધિત ડેટા જોખમતા હોવાનો અગાઉ મુદ્દો 2020 માં સામે આવ્યો હતો. ગાલવાન ખીણમાં ચીન સાથે અથડામણ બાદ ભારત સરકાર દ્વારા સંખ્યાબંધ ચાઈનીઝ મોબાઇલ એપ પર પ્રતિબંધ લાદી દેવામાં આવ્યો હતો. પરંતુ માત્ર ખતરો એપ્સ પૂરતો જ મર્યાદિત નથી. ઘણા નિષ્ણાતોના જણાવ્યા અનુસાર આ ખતરો ફોન સાથે પણ સંકળાયેલ છે જેમાં સંવેદનશીલ માહિતી પણ લીક થઈ શકે છે.

આગામી સમયમા નિર્ણય કરાશે

વધુમાં ચાઇનાના આવા ઉપકરણોનો કોઈ પણ લોકોએ ઉપયોગ ન કરવો જોઈએ જેની પાસે એવું માળખું હોય છે જે ઉપકરણોએ આપણા સૈનિકોના એકઠા થવાના સ્થાન સહિતની વસ્તુઓ શોધી શકે છે. આથી એજન્સીઓ સતર્ક છે અને ભૂતકાળમાં પણ આવા પગલા લેવામાં આવ્યા છે. ત્યારે આ મામલે આગામી સમયમા વિગતવાર રિપોર્ટ જારી કરી આવા મોબાઇલની જગ્યાએ અન્ય મોબાઈલના ઉપયોગ અંગે જણાવાશે.