બિઝનેસ / સતત ઘટાડા બાદ સોનાની કિંમત ફરી હાઈ, અહીં મળે છે સસ્તું ગોલ્ડ, જાણો લેટેસ્ટ ભાવ

• આંતરરાષ્ટ્રીય બજારમાં ડોલર ઘબળ્યો
• સોનાનાં ભાવ થયાં 113 રૂપિયા મજબૂત
• સોનું 55414 રૂપિયા પ્રતિ 10 ગ્રામ

આંતરરાષ્ટ્રીય બજારમાં ડોલર ઘબળ્યો હોવાને કારણે આજે સોનાનાં ભાવ મજબૂત થયાં છે. મજબૂત હાજર માંગનાં કારણે ટ્રેડિંગમાં શુક્રવારે સોનું 113 રૂપિયા ઊંચે ચડ્યું છે. ત્યારબાદ તેનાં ભાવ 55,414 રૂપિયા પ્રતિ ગ્રામ થયાં છે. મલ્ટી કમોડિટી એક્સચેન્જમાં એપ્રિલ ડેલિવરી માટે સોનાનાં કરાર 9,435 લૉટનાં કારોબારમાં 113 રૂપિયા કે 0.2% વધીને 55414 રૂપિયા પ્રતિ 10 ગ્રામ થયું છે.

વૈશ્વિક સ્તર પર ન્યૂયોર્કમાં સોનું 0.15%ની તેજીની સાથે 1837.40 ડોલર પ્રતિ ઔંસ ચાલી રહ્યું છે. ચાંદીમાં આજે ઘટાડો જોવા મળી રહ્યો છે. ચાંદીનાં ભાવ આજે ઘટાડાની સાથે 61811 રૂપિયા પ્રતિ કિલોગ્રામ થયાં છે. વૈશ્વિક સ્તર પર ન્યૂયોર્કમાં ચાંદી 0.40%નાં ઘટાડાની સાથે 20.09 ડોલર પ્રતિ ઔંસ પર ટ્રેડ કરી રહી હતી.

ડોલર ઘબળ્યો હોવાને લીધે સોનું થયું મોંઘુ
ડોલર તૂટ્યો હોવાને લીધે શુક્રવારે ગોલ્ડનો રેટ 2 સપ્તાહનાં નિચલા સ્તરથી ઉપર ચઢ્યો છે. મલ્ટી કોમોડિટી એક્સચેન્જ પર એપ્રિલ 2023 માટે સોનાનાં ભાવ 55325 પ્રતિ 10 ગ્રામ પર ખુલ્યાં હતાં. ઘરેલૂ બજારમાં આ રેલી બાદ સોનાની કિંમતમાં વધારો થયો છે અને હાલમાં તે ઉચ્ચતમ સ્તર 58847 રૂપિયાથી લગભગ 3500 રૂપિયાથી નીચે છે.

વિશેષજ્ઞોએ સોનાની કિંમત અંગે આપી માહિતી
કોમોડિટી બજારનાં વિશેષજ્ઞો અનુસાર સોનાની કિંમતમાં આજે 1810 ડોલરનાં સ્તર પર મજબૂત સમર્થન મળ્યું છે. ઉચ્ચ સ્તર પર સોનું 1860 ડોલર પ્રતિ ઔંસનાં સ્તરનો સામનો કરી રહ્યું છે. ઘરેલૂ બજારમાં સોનાની કિંમત આજે 55700 રૂપિયા થયો છે. જ્યારે ચાંદીની કિંમત આજે MCX પર 61000 રૂપિયાથી 64000 રૂપિયા પ્રતિ કિલોગ્રામ થવાની આશા લગાવવામાં આવી છે.