અમરેલીના શિયાળબેટ પર આફત પણ અવસર બનીને સામે આવી છે. ગુરુવારે શિયાળ બેટથી પ્રસૂતાનું 108ની ટીમ દ્વારા રેસ્ક્યૂ કરવામાં આવ્યું હતું. શિયાળ બેટના સામે કાંઠે મહિલાની ડિલીવરી કરાવાઈ હતી અને બાળકીનો જન્મ થયો હતો.
તો શુક્રવારે પણ આ જ રીતે મહિલાની ડિલીવરી કરાવાઈ હતી. બાળકનો જન્મ થયો હતો. આમ વાવાઝોડાના ખોફ વચ્ચે બાળકી અને બાળકના સુખરૂપ જન્મ થતાં આનંદની લાગણી વ્યાપી ગઈ હતી. ગઈકાલે પણ શિયાળબેટમાં NDRFના જવાનોની મદદથી મહિલાની પ્રસુતિ કરાવાઈ હતી.
વાયુ વાવાઝોડું ત્રાટકવાનું છે તેવી આગાહી થતાં જ તંત્ર સજાગ થઈ ગયું. લોકોને દરિયા કિનારેથી હટાવી લીધા હતા. જોકે વાવાઝોડાએ દિશા બદલી પણ તેનો કરંટ દરિયામાં જોવા મળ્યો હતો. દરિયો ગાંડોતૂર થયો હતો. કિનારા પર મોટા મોજા ઉછળવા લાગ્યા હતા. આ તમામ ઘટનાક્રમ વચ્ચે એક મહિલાએ બાળકીને જન્મ આપ્યો હતો.
તમને જાણીને પણ નવાઈ લાગશે પણ અમરેલીના જાફરાબાદ તાલુકામાં શિયાળ બેટ આવેલો છે. આ બેટ દરિયાની વચ્ચે આવેલો છે. વચ્ચે બેટ અને ચારેય તરફ ગાંડોતૂર દરિયો. આ દરમિયાન જ મહિલાને પ્રસૃતિનો દુઃખાવો ઉપડ્યો હતો. બાદમાં શરૂ થયું દિલધડક રેસ્ક્યુ ઓપરેશન. જેમાં કામે લાગી 108ની ટીમ અને બાદમાં મહિલાને બચાવવા માટે એક બોટ દ્વારા ઓપરેશન હાથ ધરવામાં આવ્યું હતું.
Newly born babies at Mahuva hospital (Bhavnagar).15 pregnant women were shifted to hospitals from Vaayu Cyclone affected areas. 4 deliveries done successfully.
તમામનું લક્ષ્ય એક જ હતું કે મહિલાની પ્રસૃતિ સુરક્ષિત રીતે કરાવવી અને તેમાં તે લોકો સફળ થયા હતા. બોટ દ્વારા મહિલાને દરિયો પાર કરાવ્યો હતો. શિયાળ બેટના સામે કાંઠે પહોંચ્યા બાદ 108ની ટીમ દ્વારા મહિલાને હોસ્પિટલ ખસેડાઈ હતી. જ્યાં મહિલાએ એક બાળકીને જન્મ આપ્યો હતો. આમ વાયુ વાવાઝોડા વચ્ચે એક નહીં પણ બે જીવ બચાવી લેવામાં આવ્યા.