મહામારી / ભારતમાં આ રાજ્યમાં કોરોનાએ તોડ્યો 6 મહિનાનો રેકોર્ડ, ઓમિક્રોન ખતરાની વચ્ચે વધી ચિંતા

• દિલ્હીમાં 15 જુન બાદ પહેલી વાર આવ્યાં કોરોનાના 100થી વધુ કેસ
• ઓમિક્રોન ખતરાની વચ્ચે દિલ્હીમાં વધી રહ્યાં છે કેસ
• જોકે છેલ્લા 10 દિવસમાં કોરોનાથી એક પણ મોત નહીં 

દિલ્હી સ્વાસ્થ્ય મંત્રાલયે આપેલી માહિતી અનુસાર છેલ્લા 24 કલાકમાં કોરોનાના 107 કેસ આવ્યા અને કોરોના સંક્રમણ દર 0.17 ટકા થઈ ગયો છે. છેલ્લા છ મહિના દરમિયાન કોઈ એક દિવસમાં કોરોનાના સૌથી વધારે કેસ આવ્યાં છે. આ પહેલા 25 જુને એક દિવસમા કોરોનાના 115 કેસ આવ્યાં હતા અને 22 જુને સંક્રમણ દર 0.19 ટકા હતો. દિલ્હીમાં 10 દિવસ બાદ કોરોનાથી કોઈ મોત થયું નથી. 

દેશમાં ઓમિક્રોન વેરિયન્ટ આફત વધી રહી છે  
 
દેશમાં  કોરોના વાયરસના ઘાતક ઓમિક્રોન વેરિયન્ટ આફત વધી રહી છે. અત્યાર સુધીમાં દેશમાં કુલ 145 કેસો નોંધાયા છે. આ સાથે જ ભારત બેવડા ખતરાનો સામોન કરી રહ્યું છે. પહેલો ખતરો સરકારની નીતિઓનો છે. અને બીજો ખતરો પ્રજાની બેદરકારીનો છે. નવું વર્ષ નવી પરેશાનીઓ લાવી શકે છે.

ભારતમાં ઓમિક્રોનના કેસ ક્યાં જોવા મળ્યા તે પહેલા જાણો

ભારતમાં કુલ કેસ - 145

મહારાષ્ટ્રમાં 48
દિલ્હીમાં 22
તેલંગાણામાં 20
રાજસ્થાનમાં 17
કર્ણાટકમાં 14
કેરળમાં 11
ગુજરાતમાં 7
યુપીમાં 2
આંધ્ર પ્રદેશમાં 1
ચંદીગઢમાં 1
તમિલનાડુમાં 1
પશ્ચિમ બંગાળમાં 1

મુંબઈની એક શાળામાં 18 બાળકો કોરોના પોઝિટિવ મળી આવ્યાં  

નવી મુંબઈના ઘનસોલીની શેતકાળી વિદ્યાલયમાં 18 બાળકો કોરોના પોઝિટિવ મળી આવ્યા હતા, જેના પછી સાત દિવસ માટે શાળા બંધ કરી દેવામાં આવી છે. આ ઘટના બાદ 800 વિદ્યાર્થીઓનો કોરોના ટેસ્ટ કરવામાં આવી રહ્યો છે. નાગપુરમાં પણ એક શાળાની વિદ્યાર્થીની કોરોના પોઝિટિવ મળી આવી છે. હવે જીનોમ સિક્વન્સિંગથી એ જાણવામાં આવી રહ્યું છે કે ઓમિક્રોન છે કે નહીં?