Coronavirus / કોરોનાથી વિશ્વમાં સૌથી વધુ મોત થયા તે દેશ ઈટલીથી આવ્યા ગજબ ન્યૂઝ, ડોક્ટર્સમાં આશા જાગી

• વિશ્વમાં કોરોના વાયરસે મચાવ્યો કહેર 
• ઇટલીમાં 104 વર્ષના વૃદ્ધા થયાં કોરોના મુક્ત 

અદાના દીકરાએ જણાવ્યું કે, મને લાગી રહ્યું હતું કે તેમને કોરોના છે કારણ કે કેયર હોમમાં સંખ્યા વધી રહી હતી. આ સાથે ત્યાં કેટલાક લોકોના મોત પણ થયાં હતા. અદા સાજા થયાં બાદ વૃદ્ધ દર્દીઓમાં પણ એક આશા જોવા મળી છે. અત્યાર સુધીમાં દુનિયામાં કોરોના વાયરસના 13 લાખથી વધારે પોઝિટિવ કેસ છે અને ધીમે-ધીમે આ સંખ્યામાં વધારો થઇ રહ્યો છે. 

104 વર્ષના વૃદ્ધા કોરોના મુક્ત થયાં 

ઇટલીમાં કોરોના વાયરસને કારણે અત્યાર સુધીમાં 15 હજારથી પણ વધારો લોકોના મોત થયા છે જેમાં 60 ટકા વૃદ્ધો છે. આ સ્થિતિમાં 104 વર્ષીય વૃદ્ધા સાજા થવાથી મેડિકલ સાયન્સ માટે પણ ખુશીના સમાચાર છે. 

સંપૂર્ણ અવસ્થામાં તે પોતાની ખુરશી સુધી જાતે જાય છે

અદા સાજા થવાથી ઇટલીના હેલ્થ કેયર સ્ટાફે જણાવ્યું હતું કે, અમારા માટે આ પળ ખુશીની છે. ધ સન અખબારના જણાવ્યા અનુસાર, અદાના ડોક્ટર કાર્લાએ કહ્યું કે, તેણી સ્વસ્થ થઇ ચૂક્યા છે અને તે પોતાની ખુરશી સુધી ચાલીને જાય છે. તે સંપૂર્ણ રીતે સભાન અવસ્થામાં છે. તેમનું સાજા થવું એ અમારા માટે ખૂબ જ ખુશીની વાત છે કારણ કે દુ:ખદ સમયમાં પણ સાજા થવાની આશા છે. 

થોડા સમય પહેલા 108 વર્ષના દર્દીનું થયું છે મોત 

આપને જણાવી દઇએ કે, બ્રિટનમાં આ પહેલા સૌથી મોટી ઉંમરવાળા દર્દીનું મોત થયું હતું જેની ઉંમર 108 વર્ષ હતી. તેમણે બંન્ને વિશ્વયુદ્ધ જોયા હતા અને 1918માં સ્પેનિશ ફ્લૂ મહામારીને પણ માત આપી હતી પરંતુ કોરોના સામેની જંગ તે હારી ગયા અને કાયમ માટે આંખો બંધ કરી લીધી.