IPLIN
 
  • Home
  • Politics
  • India
  • 1000 rupee gas cylinder is rigid nationalist in acche din asks congress srinivas bv

મોંઘવારી / કોંગ્રેસનો કટાક્ષ: અચ્છે દિનમાં 1000વાળો સિલેન્ડર પણ કટ્ટર દેશભક્ત, કોંગ્રેસનો 400વાળો સિલેન્ડર દેશદ્રોહી !

Team VTV 04:29 PM, 11 Apr 22 | Updated: 04:31 PM, 11 Apr 22
Follow us
1000 rupee gas cylinder is rigid nationalist in acche din asks congress srinivas bv

મોંઘવારીના ચોતરફ મારની વચ્ચે કોંગ્રેસ નેતા શ્રીનિવાસ બીવાઈએ મોદી સરકારને ઘેરવાનો પ્રયાસ કર્યો છે.

  • મોંઘવારીમાં પિસાઈ રહી છે દેશની જનતા
  • કોંગ્રેસ કરી રહી છે સરાકર પર આકરાં પ્રહારો
  • કોંગ્રેસ નેતાએ અચ્છે દિનની યાદ અપાવી

 

મોંઘવારીના ચોતરફ મારની વચ્ચે કોંગ્રેસ નેતા શ્રીનિવાસ બીવાઈએ મોદી સરકારને ઘેરવાનો પ્રયાસ કર્યો છે. રવિવારે માઈક્રો બ્લોગિંગ પ્લેટફોર્મ ટ્વિટર પર એક પોસ્ટ દ્વારા તેમણે સવાલ પૂછ્યો કે, અચ્છે દિનમાં એક હજારથી વધારેની કિંમતનો ગેસ સિલેન્ડ શું કટ્ટર  દેશભક્ત છે ? 

ભારતીય યુવા કોંગ્રેસના રાષ્ટ્રીય અધ્યક્ષની આ ટિપ્પણી તે સંદર્ભમાં આવી છે, જેમાં ભાજપે નરેન્દ્ર મોદી સરાકર બનતા પહેલા અચ્છે દિન સહિત મોંઘવારીના કેટલાય મહત્વના મુદ્દાને હલ કરવાનો દાવો કર્યો હતો. શ્રીનિવાસના ટ્વિટ મુજબ ખરાબ દિવસોવાળો 400 રૂપિયાનો એલપીજી સિલેન્ડર દેશદ્રોહી હતો, અચ્છે દિનમાં 1000 રૂપિયાથી પણ વધારેનો સિલેન્ડર શું દેશભક્ત છે ? 

એટલુ જ નહીં, તેમણે આ પહેલા અન્ય એક ટ્વિટમાં પૂછ્યું હતું કે, મોદીજી, દેશ વેચી દેશે. તેલથી લઈને બધું વેચી દેશે. તો પછી દેશનો ખેડૂત શું કરશે ? દેશનો નાનો વેપારી શું કરશે ? 

હકીકતમાં જોઈએ તો, યુપી સહિત પાંચ રાજ્યોની વિધાનસભા ચૂંટણી સુધી અમુક રાજ્યોમાં પેટ્રોલ અને ડીઝલના ભાવ પર લગામ હતી, જો કે જેવા ચૂંટણીના પરિણામો આવ્યા કે, પેટ્રોલ અને ડીઝલના ભાવમાં વધારો ઝીકવાનો શરૂ કરી દીધો. તો વળી એલપીજી, પીએનજી અને સીએનજીના ભાવમાં પણ વધારો થયો છે. તેલ અને ગેસના ભાવ વધવાના કારણે શાકભાજી અને અન્ય ખાવા પીવાની વસ્તુઓના ભાવ પણ વધવા લાગ્યા છે. 

કોંગ્રેસ સહિત કેટલીય વિપક્ષી પાર્ટીઓ મોંઘવારીના મુદ્દા પર મોદી સરકારનો ઘેરાવ કરતી દેખાઈ રહી છે. તેલ અને ગેસના ભાવોથી વચ્ચે કોંગ્રેસના નેતાએ ફ્લાઈટમાં ઉતરતી વખતે મોંઘવારીના મુદ્દા પર કેન્દ્રીય મંત્રી સ્મૃતિ ઈરાનીનો ઘેરાવ કર્યો હતો.

congress BJP Modi Governement gas cylinder rate LPG મોદી સરકાર અચ્છે દિન કોંગ્રેસ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ