OMG / સાવધાન રહેજો! ક્રિપ્ટોકરન્સીમાં રોકાણના નામે અત્યાર સુધી થયું 1000 કરોડનું નુકસાન, જાણો મામલો

• આજકાલ લોકો ક્રિપ્ટોકરન્સીમાં રોકાણ વધાર્યું 
• ખોટા પ્લેટફોર્મમાં ક્રિપ્ટોના નામે થઇ રહ્યું છે લાખોનું કોભાંડ 
• ફિશિંગ ડોમેન્સ અને એન્ડ્રોઇડની નકલી એપથી પૈસા લુટે છે

લગભગ 1,000 કરોડ રૂપિયાનું નુકસાન 
હાલના સમયમાં રોકાણના ઘણા વિકલ્પો સામે આવ્યા ચુક્યા છે. તેમાં ક્રિપ્ટોકરન્સી રોકાણનો નવો વિકલ્પ છે. ક્રિપ્ટોકરન્સીમાં રોકાણ કરીને લોકો એક જ ઝાટકે લાખો રૂપિયાની કમાણી કરતા જોવા મળ્યા છે. જો કે ક્રિપ્ટોકરન્સી તમને ક્યારે ચોંકાવી દેશે તે કહી શકાય નહીં. હવે ક્રિપ્ટોકરન્સીને કારણે લગભગ 1000 કરોડ રૂપિયાનું નુકસાન થયું હોવાનું સામે આવ્યું છે.

નુકસાન વેઠવું પડ્યું 
નકલી ક્રિપ્ટોકરન્સી એક્સચેન્જોને કારણે ભારતીય રોકાણકારોને 128 મિલિયન ડોલરથી વધુ એટલે કે લગભગ 1,000 કરોડ રૂપિયાનું નુકસાન થયું છે. એક નવા રિપોર્ટમાં આ વાતનો દાવો કરવામાં આવ્યો છે. સાયબર સિક્યોરિટી કંપની ક્લાઉડએસઈકેના જણાવ્યા અનુસાર તેણે અનેક ફિશિંગ ડોમેન્સ અને એન્ડ્રોઇડ આધારિત બનાવટી ક્રિપ્ટો એપ્લિકેશન સાથે સંકળાયેલા એક ચાલુ ઓપરેશનનો ખુલાસો કર્યો છે. ક્લાઉડએસઈકેનો સંપર્ક એક પીડિત કર્યો હતો. પીડિતે જણાવ્યું હતું કે આવા જ એક ક્રિપ્ટોકરન્સી કૌભાંડમાં તેણે કથિત રીતે 50 લાખ રૂપિયા અથવા લગભગ 64,000 ડોલર ગુમાવ્યા હતા. આ ઉપરાંત જમા રાશિ, ટેક્સ વગેરે જેવા અન્ય ખર્ચાઓ પણ ગુમાવ્યા હતા.

પ્રોફિટના સપના બતાવાય છે
ક્લાઉડએસઈકેના સ્થાપક અને સીઈઓ રાહુલ સસીએ જણાવ્યું હતું કે, "લોકોએ આવા ક્રિપ્ટો કૌભાંડો દ્વારા 128 મિલિયન ડોલર એટલે કે લગભગ 1,000 કરોડ રૂપિયાની હેરાફેરી કરી છે. જેમ જેમ રોકાણકારો ક્રિપ્ટોકરન્સી બજારો તરફ પોતાનું ધ્યાન કેન્દ્રિત કરે છે, તેમ તેમ સ્કેમર્સ અને છેતરપિંડી કરનારાઓ પણ તેમનું ધ્યાન આકર્ષિત કરે છે."

સોશિયલ મીડિયા પ્રોફાઇલનો સહારો લે છે
રિપોર્ટ અનુસાર આ પ્રકારની છેતરપિંડી કરવા માટે સ્કેમર્સ પહેલા નકલી ડોમેન્સ બનાવે છે. તે કાયદેસર ક્રિપ્ટો ટ્રેડિંગ પ્લેટફોર્મની નકલ છે. આ પ્લેટફોર્મ વાસ્તવિક વેબસાઇટની જેમ જ ડિઝાઇન કરવામાં આવ્યું હોય છે. ત્યારબાદ સ્કેમર્સ પીડિતનો સંપર્ક કરવા અને તેની સાથે મિત્રતા કરવા માટે સોશિયલ મીડિયા પર એક મહિલાની પ્રોફાઇલ બનાવે છે.

ક્રેડીટ પણ આપે છે
આ પ્રોફાઇલ દ્વારા પીડિતને ક્રિપ્ટોકરન્સીમાં રોકાણ કરવા અને ટ્રેડિંગ શરૂ કરવાનું કહેવામાં આવે છે. આ સાથે જ નકલી ક્રિપ્ટો એક્સચેન્જ પર ક્રેડિટ ગિફ્ટ તરીકે 100 ડોલર આપે છે. સાથે જ શરૂઆતમાં પીડીતને નફો પણ થાય છે. આ પછી પીડિતાને સ્કેમર વતી સારું વળતર આપવાનું વચન આપીને મોટી રકમનું રોકાણ કરવાનું કહેવામાં આવે છે.

ખાતાને ફ્રિઝ કરી દે છે 
જ્યારે પીડિત બનાવટી એક્સચેન્જમાં રકમ વધુ જમા કરવામાં આવે છે ત્યારે સ્કેમર  તેનું ખાતું ફ્રીઝ કરી દે છે. આ પછી, પીડિતા તેના પૈસા પાછા લઈ શકતી નથી અને પીડિતાના પૈસા ગાયબ થઈ જાય છે. આ પછી, જ્યારે પીડિતા તેના ખાતામાં પ્રવેશ માટે ફરિયાદ કરે છે, ત્યારે તે જ બનાવટી વિનિમયના તપાસકર્તાઓ તપાસ માટે ત્યાં પહોંચે છે.

ગોપનીય જાણકારી પૂછી લે છે 
ત્યારબાદ તપાસકર્તાઓ પીડિતો પાસે ફ્રિઝ એકાઉન્ટમાંથી વળતર મેળવવા માટે ઇમેઇલ દ્વારા આઇડી, કાર્ડ અને બેંક વિગતો જેવી ગુપ્ત માહિતી માંગે છે, જેનો ઉપયોગ અન્ય બીજી પ્રવૃત્તિઓ કરવા માટે કરે છે.