અફઘાનિસ્તાનમાં આતંકવાદીઓ સામે કડક કાર્યવાહી કરવામાં આવી છે. છેલ્લા 24 કલાકમાં અફઘાન સેના દ્વારા હાથ ધરવામાં આવેલા ઓપરેશનમાં 100 થી વધુ આતંકી માર્યા ગયા છે અને અન્ય 45 ઘાયલ થયા છે.
આતંકવાદીઓ સામે કરાઇ કડક કાર્યવાહી
18 ઓપરેશનમાં 100 થી વધુ આતંકીઓનો ખાત્મો
ઉલ્લેખનીય છે કે સેનાએ અફઘાનિસ્તાનના 15 જુદા જુદા પ્રાંતમાં કુલ 18 ઓપરેશન હાથ ધર્યા હતા. આ સૈન્ય કાર્યવાહી દરમિયાન પાંચ આતંકવાદીની ધરપકડ પણ કરવામાં આવી છે.
18 સૈન્ય ઓપરેશનમાં 109 આતંકી માર્યા ગયા
અફઘાનિસ્તાનના સંરક્ષણ મંત્રાલયે કરેલા ટ્વીટમાં જણાવવામાં આવ્યું છે કે છેલ્લા 24 કલાકમાં અફઘાનિસ્તાનના 15 પ્રાંતમાં 18 સૈન્ય ઓપરેશન કરવામાં આવ્યા હતા, જેમાં 109 આતંકી માર્યા ગયા છે અને 45 આતંકવાદીઓ ગંભીર રીતે ઘાયલ થયા છે, જ્યારે 5 આતંકીની ધરપકડ કરવામાં આવી, જોકે સંરક્ષણ મંત્રાલયે હજુ સુધી એ વાતની પુષ્ટિ નથી કરી કે માર્યા ગયેલા આતંકી એક જ આતંકી જૂથના સભ્ય હતા કે અલગ અલગ આતંકી જૂથના.
7 ડિસેમ્બરે પણ મોટું ઓપરેશન હાથ ધર્યું મોટું ઓપરેશન
In last 24 hours, 18 operations were conducted in 15 provinces of #Afghanistan, as a result of which 109 terrorists were killed, 45 terrorists injured and 5 others were arrested.#MOD
— Ministry of Defense, Afghanistan (@MoDAfghanistan) December 24, 2019
અફઘાન સુરક્ષા દળોએ આ અગાઉ 7 ડિસેમ્બરે પણ મોટું ઓપરેશન હાથ ધર્યું હતું, જેમાં 15 તાલિબાની આતંકી માર્યા ગયા હતા. આ સાથે જ બે આતંકીની ધરપકડ કરવામાં આવી હતી. આ કાર્યવાહી અંગે તાલિબાન તરફથી કોઈ પ્રતિક્રિયા આપવામાં આવી નથી.
24 તાલિબાની આતંકી પણ ઠાર મરાયા
આ પહેલાં પણ ગત 24 નવેમ્બરે અફઘાનિસ્તાનના ઉત્તર પ્રાંત જોવજનમાં આતંકવાદીઓ અને સુરક્ષાદળો વચ્ચે થયેલી સશસ્ત્ર અથડામણમાં અફઘાન સુરક્ષાદળના બે જવાન માર્યા ગયા હતા. આ કાર્યવાહીમાં 24 તાલિબાની આતંકી પણ ઠાર મરાયા હતા.