વડોદરામાં અનોખી પહેલ 100 સ્કૂલના વિદ્યાર્થીઓએ ટ્રાફિકની થીમ પર બનાવ્યા ગણેશજી

વડોદરાઃ છાત્ર સંસદ નામની સંસ્થા અને વડોદરા પોલીસ સંયુકત રીતે એક ઈવેન્ટનું આયોજન કરી રહી છે. આ ઈવેન્ટને બચી બોલે મોરથી આયોજન કરવામાં આવ્યું હતું. આ ઈવેન્ટમાં શહેરના પોલીસ કમિશ્નર અનુપમસિંહ ગહેલોત અને વૈષ્ણવ સંપ્રદાયના ધર્મગુરૂઓ હાજર રહ્યા હતા.

વડોદરાની અલગ-અલગ સ્કૂલનાં બાળકો દ્વારા માટીના ઇકો ફ્રેન્ડલી ગણપતિ બનાવવામાં આવ્યા હતા. આ દરેક મૂર્તિઓને 'બચી બોલે મોરિયા' નામક ઇવેન્ટ ઓર્ગેનાઇઝમાં દ્વારા વડોદરા શહેરના ગણેશ યુવક મંડળને અપાઈ હતી. આ સાથે અલગ-અલગ ટ્રાફિક સ્લોગનો પણ મંડળોને આપવામાં આવ્યા હતા. આ આયોજનમાં શહેરના પોલીસ કમિશ્નર હાજર રહ્યા હતા. તેમને જણાવ્યું હતું કે આ મૂર્તિઓને ગણેશ પંડાલમાં આપવાથી લોકોમાં ઇકો ફ્રેન્ડલી મૂર્તિ માટે જાગૃતતા આવશે. પાણીમાં થતાં પ્રદૂષણને ઓછું કરી શકાશે.

આ ઈવેન્ટનું આયોજન છાત્ર સંસદના અધ્યક્ષ પૂને શર્મા અને તેમની ટીમે કર્યું હતું. ઈકો ફ્રેન્ડલી મૂર્તિઓ માટેનું કેમ્પેન વડોદરા પોલીસની મદદથી અને 50 બાળકોના સહયોગથી કરાયું છે. આ મૂર્તિઓ બનાવવા માટે વડોદરા શહેરની 100 સ્કૂલોના બાળકોએ ભાગ લીધો હતો. જેમને માટીની અને ઇકો ફ્રેન્ડલી મૂર્તિઓ બનાવી પર્યાવરણને સાચવવા માટેનો સંદેશો લોકો સુધી પહોંચાડવાનો પ્રયાસ કર્યો હતો.

આ મૂર્તિઓ બનાવનાર શાળાની બાળકીઓએ માટીના અને ઇકોફ્રેન્ડલી ગણેશની મૂર્તીઓ બનાવી હતી. લોકોને પર્યાવરણની જાણવીનો સંદેશો આપ્યો હતો.