બદલાવ / ટ્રાન્જેક્શન ફેલ થયુ? હવે ગ્રાહકોને મળશે દરરોજ 100 રૂપિયા, જાણો RBI નો નવો નિયમ

• ટ્રાન્જેક્શન ફેલ થવા પર 1 દિવસની અંદર જો ગ્રાહકોને રૂપિયા પાછા ના મળે ત્યાં સુધી દરરોજ બેંકની પેનલ્ટી
• RBI એ તમામ ઑપરેટર્સ અને અધિકૃત પેમેન્ટ સિસ્ટમ્સને નોટિફિકેશન જારી કરીને આ વાત કરી
• ATM અને માઇક્રો ATM માં ફેલ થનારા ટ્રાન્જેક્શન્સ માટે એકાઉન્ટમાં રૂપિયા પહોંચાડવા માટે 5 દિવસનો સમય નક્કી 
• આ પગલાથી ગ્રાહોકમાં કોન્ફિડન્સ વધશે અને પ્રોસિંસિંગમાં યૂનિફોર્મિટી આવશે

નવો નિયમ યૂનિફાઇડ પેમેન્ટ ઇન્ટરફેસ (UPI), ઇમીડિએટ પેમેન્ટ સિસ્ટમ (IMPS), ઇ-વૉલેટ્સ , કાર્ડ ટૂ કાર્ડ પેમેન્ટ, નેશનલ ઑટોમેટેડ ક્લિયરિંગ હાઉસ (NACH) પર વધારે લાગૂ થાય છે. RBI તમામ ઑપરેટર્સ અને અધિકૃત પેમેન્ટ સિસ્ટમ્સનો નોટિફિકેશન જારી કરીને આ વાત કરી.

Harmonisation of Turn Around Time (TAT) and customer compensation for failed transactions using authorised Payment Systemshttps://t.co/bHsZOjmeVj

— ReserveBankOfIndia (@RBI) September 20, 2019

રિઝર્વ બેંક ઑફ ઇન્ડિયા (RBI) ના સ્ટેકહોલ્ડર્સની સાથે વાતચીત કર્યા પછી ફેલ ટ્રાન્જેક્શનના રૂપિયા એકાઉન્ટમાં ના પહોંચે તે માટે ટાઇમફ્રેમ અને દંડની રકમ નક્કી કરવામાં આવી. આ પગલાથી ગ્રાહકોમાં કોન્ફિડન્સ વધશે અને આ સાથે ફેલ ટ્રાન્જેક્શનની લેવડદેવડના પ્રોસેસમાં યૂનિફોર્મિટી આવશે.

ડિજિટલ ટ્રાન્જેક્શન સિવાય RBI એ નૉન ડિજિટલ ટ્રાન્જેક્શન માટે ટાઇમલાઇન નક્કી કરી છે. ATM અને માઇક્રો ATM માં ફેલ ટ્રાન્જેક્શનને કારણે એકાઉન્ટમાં રૂપિયા પહોંચવા માટે 5 દિવસનો સમય નક્કી કરવામાં આવ્યો છે. આ પછી દરરોજ 100 રૂપિયાનો દંડ છે. પૉઇન્ટ ઑફ સેલ (કાર્ડ સ્વાઇપ મશીન) અને ઑનલાઇન પેમેન્ટ્સના મામલામાં આ સમયગાળો 5 દિવસનો જ હશે. 

RBI ના નોટિફિકેશન અનુસાર, ''જ્યાં વિત્તીય વળતરની વાત છે તો ગ્રાહકોના એકાઉન્ટમાં જલ્દીથી પહોંચી જવુ જોઇએ, ગ્રાહકોની તરફથી ફરિયાદ દાખલ કરવાની રાહ ના જોવી જોઇએ.''