મહામારી / મોદી સરકારની હોસ્પિટલો માટે સૌથી મોટી સહાયની જાહેરાત, PM Cares ફંડમાંથી અપાશે પૈસા

• 100 હોસ્પિટલોમાં બનશે ઓક્સિજન પ્લાન્ટ
• ઓક્સિજન પ્લાન્ટનો ખર્ચ પીએમ કેર્સ ફંડમાંથી ફાળવાશે 
• ઓક્સિજનમાં હોસ્પિટલોને આત્મનિર્ભર બનાવવા સરકારની દરખાસ્ત
• 50 હજાર મેટ્રિક ટન ઓક્સિજનની આયાત માટેનું ટેન્ડર બહાર પડાયું 

સરકારના એમ્પાવર્ડ ગ્રુપની ગુરુવારે મળેલી બેઠકમાં 100 હોસ્પિટલોને ઓક્સિજન પ્લાન્ટ શરુ કરવા માટેની આર્થિક સહાય આપવાનો નિર્ણય લેવાયો હતો. કોરોનાના કેર વચ્ચે દેશમાં જરુરી મેડિકલ ઉપકરણો તથા ઓક્સિજન સપ્લાયની ઉપલ્બધતાની સમીક્ષા કરવા માટે ગ્રુપની બેઠક  મળી હતી. 

આરોગ્ય મંત્રાલયે 100 હોસ્પિટલોની ઓળખ કરવી પડશે 

સરકારી પેનલે આરોગ્ય મંત્રાલયને દેશના દૂરદરાજના વિસ્તારની 100 હોસ્પિટલોની ઓળખ કરવાનું જણાવ્યું છે. ઓળખ થયા બાદ 100 હોસ્પિટલોમાં પ્રેસર સ્વિંગ એડોપર્શન (પીએસએ) પ્લાન્ટ એટલે કે ઓક્સિજન પ્લાન્ટ શરુ કરવામાં આવશે. 

12 રાજ્યોમાં 100 હોસ્પિટલની ઓળખ, પીએમ કેર્સમાંથી પૈસા ફાળવાશે 

પીએસએ પ્લાન્ટ ઓક્સિજન બનાવીને હોસ્પિટલોને પુરો પાડશે. આ માટે 12 રાજ્યો મહારાષ્ટ્ર, મધ્યપ્રદેશ, ગુજરાત, યુપી, દિલ્હી, છત્તીસગઢ, કર્ણાટક, કેરળ, તમિલનાડુ, હરિયાણા, પંજાબ અને રાજસ્થાન નક્કી કરાયા છે. આ રાજ્યોની 100 હોસ્પિટલોમાં ઓક્સિજન પ્લાન્ટ શરુ કરવાની સરકારની દરખાસ્ત છે અને તે માટેનો જે કંઈ પણ ખર્ચ થાય તે પીએમ કેર્સ ફંડમાંથી ફાળવાશે. 

કેન્દ્ર સરકારની આ પેનલે 50 હજાર મેટ્રિક ટન ઓક્સિજનની આયાત કરવા માટેનું ટેન્ડર બહાર પાડવાનો પણ નિર્ણય કર્યો છે. સરકારની માલિકી ભારત પેટ્રોલિયમ કોર્પોરેશને પણ કેરળના કોચીમાં 20 ટન ઓક્સિજન તૈયાર કરીને રાખ્યો છે જે જરુરીયાતમંદ હોસ્પિટલને પહોંચાડવામાં આવશે. રિફાઈનરીઓ નાઈટ્રોજન પ્રોડક્શન પેદા કરતી એર સેપરેશન પ્લાન્ટ  (હવામાંથી અલગ પાડવો) માં સીમિત જથ્થામાં ઓદ્યોગિક હેતુ માટે ઓક્સિજન બનાવે છે. કાર્બન ડાયોક્સાઈડ જેવા ગેસના સંકુચનમાંથી મેડિકલ યુઝ માટે વપરાતો ઓક્સિજન અલગ પાડવામાં આવે છે. કોરોના સામેના જંગમાં મુકેશ અંબાણી આગળ આવ્યાં છે. ઘણા રાજ્યોમાં ઓક્સિજનની ગંભીર અછત સર્જાઈ રહી છે ત્યારે મુકેશ અંબાણીએ મહારાષ્ટ્રને મફતમાં ઓક્સિજન પૂરો પાડવાનું કામ શરુ કર્યું છે. ઓક્સિજનની ભયંકર અછતનો સામનો કરી રહેલા મહારાષ્ટ્રને અંબાણીની આ સહાયથી મોટી મદદ મળશે.