ભાવનગરઃ મેથાળા ગામમાં ગ્રામજનો દ્વારા બનાવવામાં આવેલા બંધારામાં ગાબડું પડ્યુ છે. ભારે વરસાદના કારણે બંધારામાં 100 ફૂટ ગાડબું પડ્યુ છે. બંધારાની બન્ને તરફ ગાબડું પડ્યુ છે. બંધારાના એક તરફ 70 ફૂટ અને બીજી તરફ 80 ફૂટનુ ગાબડું પડ્યુ છે. જેને લઇને ગાબડાનું સમારકામ કરવા લોકો પહોંચ્યા હતા.
મેથાળા અને આસપાસના ગામડાઓના લોકો દ્વારા જાત મહેનતથી મેથાળા બંધારો બાંધવામાં આવ્યો હતો. ત્યારે સૌરાષ્ટ્રમાં સતત વરસાદ વરસી રહ્યો છે. ત્યારે મેથાળા બંધારામાં નવા નીર આવ્યા હતા.
ત્યારબાદ ભારે વરસાદના કારણે બંધારો ઓવરફ્લો થયો હતો અને બંધારામાં 100 ફૂટ જેટલુ ગાબડુ પડી ગયું છે. સિમેન્ટથી બનાવાયેલા લોગીનની બન્ને બાજુ ગાબડું પડ્યું હોવાની માહિતી મળી રહી છે. જેમાં એક તરફ 70 અને બીજી બાજુ 80 ફૂટનું ગાબડું પડ્યું છે.