ગુરાતમાં ડ્રગ્સના કાળા કારોબારને લઈને ગૃહ વિભાગ એકશન મોડમાં આવી ગયું છે. છેલ્લા 6 મહિનામાં રાજ્યમાં 100 કરોડ કરતા પણ વધું નશીલા દ્રવ્યો ઝડપાયા છે.
6 મહિનામાં 1 અબજ નશીલા દ્રવ્યો ઝડપાયા
કુલ 251 કરતા પણ વધું આરોપીઓની ધરપકડ
બનાસકાંઠામાં સૌથી વધું 59 કેસ નોંધાયા
રાજ્યમાં છેલ્લા કેટલાક સમયથી ડ્રગ્સનો કારોબાર વધી ગયો છે. પરંતુ તેને ધ્યાન રાખીને ડ્રગ્સ વિરોધી ભારત અભિયાનમાં ગુજરાતનું ગૃહ વિભાગ સક્રિય જોવા મળ્યું છે. રાજ્યના વિવિધ વિસ્તારોમાંથી છેલ્લા અઢી વર્ષમાં ઘણો નશાનો જથ્થો ઝડપાયો છે. જેથી કહી શકાય કે ગુજરાતનું ગૃહ વિભાગ ડ્રગ્સના કારોબારને લઈને ઘણું સક્રિય જોવા મળ્યું છે.
251 કરતા વધું આરોપીઓની ધરપકડ
છેલ્લા 6 મહિનામાં 1 અબજથી વધુની કિંમતના નશીલા દ્રશ્યો ઝડપાયા છે. તેમજ ડ્રગ્સની હેરાફેરી કરતા 251 કરતા વધુ આરોપીઓની ધરપકડ કરવામાં આવી છે. જેમની પાસેથી નશીલા પદાર્થો મળી આવ્યા હતા.
બનાસકાંઠામાં 59 કેસ નોંધાયા
ગુજરાતમાં છેલ્લા અઢી વર્ષની અંદર બનાસકાંઠામાં સૌથી વધારે કેસ જોવા મળ્યા છે. જેમા આરોપીઓ પાસેથી ચરસ, ગાંજો અને અફીણ સહિતનો મુદ્દામાલ મળી આવ્યો છે. બનાસકાંઠામાં અઢી વર્ષમાં નશીલા દ્રવ્યો ઝડપાવાના 59 જેટલા કેસ સામે આવ્યા છે. જેથી ત્યા સૌથી વધારે નશાનો કાળો કારોબાર ચાલી રહ્યો છે તેવું કહી શકાય.
અમદાવાદ, સુરત, રાજકોટમાં 50 કેસ નોંધાયા
બીજી તરફ જો અમદાવાદ સુરત અને રાજકોટ જેવા મોટા શહેરાની વાત કરવામાં આવે. તો અહીયા પણ સ્થાનિક પોલીસ દ્વારા અવાર નવાર નશીલા દ્રવ્યોનો પર્દાફાશ કરવામાં આવતો હોય છે. અઢી વર્ષમાં અમદાવાદ, સુરત અને રાજકોટ શહેરમાં કુલ 50 કરતા પણ વધારે વખત નશીલા દ્રવ્યો ઝડપાયા છે.
દિલ્હીથી આરોપી અમદાવાદ ડ્રગ્સ લઈને આવ્યો હતો
ઉલ્લેખનીય છે કે તાજેતરમાંજ થોડા દિવસ અગાઉ દિલ્હીમાં 2500 કરોડના ડ્રગ્સ રેકેટનો પર્દાફાશ થયો હતો. જેમા ચાર આરોપીઓની ધરપકડ કરવામાં આવી હતી. તેજ દિવસે અમદાવાદમાં ડ્રગ્સ સાથે એક આરોપીની ધરપકડ કરવામાં આવી હતી. તે આરોપી પણ દિલ્હીથી ડ્રગ્સ લઈને અમદાવાદ આવ્યો હતો.