રસી / કોરોના કાળમાં સૌથી મોટી ગુડ ન્યૂઝ ! ભારતમાં જ બનશે 100 કરોડ વેક્સીન

• 40 કરોડ વેક્સીનની સપ્લાય તો આ જ વર્ષમાં કરવાનું લક્ષ્ય 
• કોરોના સામે જંગ વચ્ચે પુણેમાં વેક્સીનનું ઉત્પાદન શરુ થઇ ગયું 
• વેક્સીન બનાવવાની રેસમાં ઓક્સફર્ડ યુનિવર્સીટી સૌથી આગળ

આસ્ટ્રાજેનેકાએ ભારતની કંપની સાથે હાથ મિલાવ્યો 

કોરોના વાયરસ સામે જંગ વચ્ચે પુણેમાં વેક્સીનનું ઉત્પાદન શરુ થઇ ગયું છે. ઓક્સફર્ડ યુનિવર્સીટી તરફથી વેક્સીનના કામમાં લાગેલી ફાર્માસ્યુટિકલ કંપની આસ્ટ્રાજેનેકાએ ભારતની કંપની સાથે હાથ મિલાવ્યો છે અને સિરમ ઇન્સ્ટીટયુટમાં જ નિર્માણ શરુ કરી દીધું છે. આ બંને કંપનીઓ સાથે મળીને એક અબજથી કેટલી કોરોના વેક્સીન તૈયાર કરવા જઈ રહ્યા છે. જેમાં 40 કરોડ વેક્સીનની સપ્લાય તો આ જ વર્ષમાં કરવાનું લક્ષ્ય છે. 

ઓક્સફર્ડ યુનિવર્સીટી વેક્સીન બનાવવાની રેસમાં સૌથી આગળ 

વેક્સીન બનાવવાની રેસમાં ઓક્સફર્ડ યુનિવર્સીટી સૌથી આગળ છે. કારણ કે વેક્સીનનું ટ્રાયલ અત્યારે બીજા ફેઝમાં છે. જ્યારે પુણેની સિરમ કંપની અહિયાં વિકસિત થઇ રહેલી વેક્સીન પર કામ કરી રહી છે. હાલમાં જ ઓક્સફર્ડે એક વેક્સીનનાં બીજા અને ત્રીજા ફેઝમાં ટ્રાયલની જાહેરાત કરી હતી જેમાં દસ હજારથી વધુ પુખ્ત વયના લોકોને સામેલ કરવામાં આવ્યા હતા. કેટલાય દેશોમાં તેના ટ્રાયલ કરવામાં આવશે. બીજી તરફ બ્રાઝિલે ઓક્સફર્ડને ક્લિનિકલ ટ્રાયલની મંજૂરી આપી દીધી છે. 

SIIના CEO પૂનાવાલાએ કહ્યું કે અમે આ વેક્સીન ભારતની સાથે સાથે ઓછી આવક ધરાવતા દેશોમાં વેક્સીન પહોંચાડવા માટે અમે આ કરારથી ખૂબ જ ખુશ છીએ. છેલ્લા 50 વર્ષમાં વિશ્વ સ્તર પર વેક્સીન નિર્માણમાં અમે મહત્વપૂર્ણ ક્ષમતા બનાવી છે. નોંધનીય છે કે નવી વેક્સીનના નિર્માણ અને વહેંચણીમાં સેપી ને ગવી જેવી સંસ્થા સાથે 750 ડોલર મિલિયનનો કરાર કરવામાં આવ્યો છે, આ માધ્યમથી જ આ વેક્સીનની 30 કરોડ ડોઝને ખરીદી તેનું વિતરણ કરવામાં આવશે.