BIG NEWS / પોલિયોમુક્ત અમેરિકામાં 10 વર્ષ પછી નવો કેસ આવતા હડકંપ, વેક્સિન નહીં લેવાનું ગંભીર પરિણામ

• 10 વર્ષ બાદ ન્યૂયોર્કમાં પોલિયોની એન્ટ્રી 
• 20 વર્ષીય યુવકમાં પોલિયોનો વાયરસ મળી આવ્યો 
• સારવાર બાદ દર્દીને હોસ્પિટલમાંથી રજા આપવામાં આવી 

દસ વર્ષ પહેલાં અમેરિકાને પોલિયો મુક્ત જાહેર કરવામાં આવ્યું હતું. જોકે હવે પોલિયો વાયરસને લઈ એક મોટા સમાચાર સામે આવ્યા છે. વિગતો મુજબ  10 વર્ષ બાદ ન્યૂયોર્કના રોકલેન્ડ કાઉન્ટીમાં રહેતા એક યુવકમાં પોલિયોનો વાયરસ મળી આવ્યો છે. પ્રાથમિક વિગતો મુજબ આ યુવકે પોલિયોની વેકશીન નહી લીધી હોવાનું પણ ખૂલ્યું છે. સ્થાનિક આરોગ્ય અધિકારીઓએ 21 જુલાઈ, ગુરુવારે તપાસ બાદ આ માહિતી આપી હતી. અમેરિકાને પોલિયો મુક્ત જાહેર કર્યાના દસ વર્ષ બાદ આ પહેલો કિસ્સો સામે આવ્યો છે. 

10 વર્ષ બાદ ન્યૂયોર્કમાં પોલિયોની એન્ટ્રી 

'ધ વોશિંગ્ટન પોસ્ટ'ના અહેવાલ મુજબ 10 વર્ષ બાદ ન્યૂયોર્કના રોકલેન્ડ કાઉન્ટીમાં રહેતા એક યુવકમાં પોલિયોનો વાયરસ મળી આવ્યો છે. 20 વર્ષીય યુવકને જૂન મહિનામાં હોસ્પિટલમાં દાખલ કરવામાં આવ્યો હતો. જ્યાં લગભગ એક મહિના સુધી તેની તપાસ કરવામાં આવી હતી. આરોગ્ય અધિકારીએ કહ્યું કે પોલિયો એક વાયરલ રોગ છે, જે વ્યક્તિની નર્વસ સિસ્ટમને અસર કરી શકે છે. જેના કારણે સ્નાયુઓની નબળાઈ અને કેટલાક કિસ્સાઓમાં મૃત્યુ પણ થઈ શકે છે.

આરોગ્ય વિભાગે શું કહ્યું ? 

આરોગ્ય વિભાગ દ્વારા જાહેર કરવામાં આવેલ એક પ્રેસ રિલીઝમાં ન્યૂયોર્કના રોકલેન્ડ કાઉન્ટીમાં પોલિયોના કેસની પુષ્ટિ કરવામાં આવી છે. એવું પણ કહેવામાં આવ્યું હતું કે, 95 ટકા લોકોમાં પોલિયોના કોઈ લક્ષણો નથી. તેમ છતાં તેઓ આ વાયરસ ફેલાવી શકે છે. 

કાઉન્ટી હેલ્થ કમિશનરે શું કહ્યું ? 

કાઉન્ટી હેલ્થ કમિશનર ડૉ. પેટ્રિશિયા શ્નાબેલ રુપર્ટે જણાવ્યું હતું કે, અમે પરિસ્થિતિ પર નજીકથી નજર રાખી રહ્યા છીએ. અમે પરિસ્થિતિનો સામનો કરવા માટે ન્યૂયોર્ક રાજ્યના આરોગ્ય વિભાગ અને નિવારણ કેન્દ્રો સાથે મળીને કામ કરી રહ્યા છીએ.

દર્દીને હોસ્પિટલમાંથી રજા આપવામાં આવી

'ધ વોશિંગ્ટન પોસ્ટ'ના અહેવાલ મુજબ, દર્દીને હોસ્પિટલમાંથી રજા આપવામાં આવી છે અને તે તેની પત્ની અને બાળકો સાથે ઘરે રહે છે. રિપોર્ટ અનુસાર દર્દીને ઉભા રહેવામાં કોઈ સમસ્યાનો સામનો કરવો પડી રહ્યો નથી. પરંતુ તે દર્દીને ચાલવામાં મુશ્કેલી પડી રહી છે.