અમદાવાદ / વૃદ્ધે ફર્નિચર જોવાના બહાને 10 વર્ષની બાળકી પર નજર બગાડી, પોર્ન વીડિયો બતાવી અડપલાં કર્યા, પોકસો લગાવાઈ

• સાબરમતી વિસ્તારમાં 10 વર્ષની બાળકીની છેડતી
• ફર્નિચર જોવાના બહાને કરી છેડતી
• મોબાઈલમાં બિભત્સ વીડિયો બતાવ્યો  

શહેરના સાબરમતી વિસ્તારમાં 10 વર્ષની બાળકી છેડતીની કિસ્સો સામે આવતા ચકચાર મચી જવા પામી છે. ફર્નિચર જોવાના બહાને બાળકી પર આધેડે નજર ખરાબ થઈ હતી અને આધેડે સગીરાને મોબાઈલમાં બિભત્સ વીડિયો બતાવી શારિરીક અડપલા કર્યા હતા.

ઢગાએ 10 વર્ષની બાળકીની બાજુમાં બેસી તેને ફોસલાવી

ભિમરાવ સોનવણે નામના આરોપીએ સાબરમતીના ડી કેબિન વિસ્તારમાં રહે છે. અને નિવૃત જીવન ગુજારે છે. ગઈકાલે બપોરે ભિમરાવ સોનવણે જુનુ ફર્નિચર લેવા માટે એક દુકાનમાં ગયો હતો. જ્યાં રમી રહેલી બાળકીને જોઈ આધેડે તેની પર નજર બગાડી હતી. બાદમાં ઢગાએ 10 વર્ષની બાળકીની બાજુમાં બેસી તેને ફોસલાવી મોબાઈલમાં બિભત્સ વીડિયો બતાવ્યા હતા. આ દરમિયાન આધેડે બાળકીને શારિરીક અડપલા કરતા બાળકીએ તેની માતાને જાણ કરી હતી. જેને પગલે તેની માતા ચોંકી ઉઠી હતી. અને મામલો પોલીસ મથકે પહોંચ્યો હતો.

મોબાઇલમાં 4 પોર્ન વીડિયો મળી આવ્યા 

બાદમાં બાળકીની માતાએ તમામ હકિકત પોલીસને જણાવતા પોલીસે પોક્સો સહીતની કલમો હેઠળ ગુનો નોંધી ભીમરાવની ધરપકડ કરી છે. સાથે જ આધેડ આરોપીના મોબાઇલ ની તપાસ કરતા તેમાંથી 4 પોર્ન વીડિયો પણ મળી આવ્યા છે. પોલીસ તપાસમા સામે આવ્યુ છે કે આધેડ 4 વખત તે દુકાને ગયો હતો. પરંતુ ગઈકાલે એકલતાનો લાભ મળતા બાળકી સાથે અડપલાં કર્યા હતા. વધુમાં આરોપી જે વિસ્તારમાં રહે છે. ત્યાં પણ તપાસ શરૂ કરવામાં આવી છે. જેથી ચારિત્ર અંગે માહિતી સામે આવી શકે.