બનાસ ડેરી દ્વારા 10 મહિલાઓને પ્રમાણપત્ર તેમજ ચેક આપીને સન્માનીત કરવામાં આવી છે. આ મહિલાઓ પશુપાલન વ્યવસાયથી વર્ષે 1 કરોડ કરતા વધુની આવક મેળવે છે. જેથી તેમને વિશેષ સન્માન આપવામાં આવ્યું
પશુંપાલન વ્યવસાયથી કરી કોરોડોની કમાણી
મહિલાઓને બનાસડેરીએ આપ્યું વિશેષ સન્માન
મહિલઓની આવક મહિને 7 લાખ કરતા વધારે
બનાસકાંઠાની મહિલાઓ પશુંપાલનથી કોરોડો રૂપિયાની આવક કરી રહી છે. ઔદ્યોગિક ક્ષેત્રે પહેલાથી પછાત અને ઘણા અભાવો વચ્ચે ગુજરાતના બનાસકાંઠાના પશુપલાકોએ દુધના વ્યવસાયમાં ખૂબ ઝડપી પ્રગતી કરી છે. જિલ્લાની અભણ મહિલાઓ પણ અહીયા પશુપાલન ક્ષેત્રે કમાણી કરીને લાખો રૂપિયાની કમાણી કરી રહી છે.
બનાસડેરીના ચેરમેને પ્રોત્સાહન આપ્યું
ખાસ કરીને બનાસ ડેરીના ચેરમેન શંકર ચૌધરી દ્વારા પશુંપાલનનો વ્યવસાય કરતી મહિલાઓને ઘણું પ્રોત્સાહન આપવામાં આવ્યું છે. આ વર્ષે ડેરી દ્વારા જે મહિલાઓએ સૌથી વધારે દૂધ વેચીને આવક ઉભી કરી છે. તે ટોપ 10 મહિલાઓના નામ જાહેર કરવામાં આવ્યા છે.
વર્ષે 1 કરોડની આવક
શ્રેષ્ઠ બનાસ લક્ષ્મી અંતર્ગત તાલુકા કક્ષાએ સૌથી વધારે કમાણી કરનાર ટોપ ત્રણ મહિલાઓને ઈનામ આપવામાં આવ્યા છે. જે મહિલાઓને ઈનામ આફવામાં આવ્યા છે. તેમણે એક વર્ષમાં દૂધ વેચીને 1 કરોડ રૂપિયા સુધીની આવક કરી છે. સાથેજ આ મહિલાઓએ આત્મનિર્ભરતા મામલે અનોખું ઉદાહરણ પૂરુ પાડ્યું છે.
પ્રમાણપત્ર આપીને સન્માન
બનાસડેરી દ્વારા આ મહિલાઓને પ્રમાણપત્ર તેમજ ચેક આપીને સન્માનિત કરવામાં આવી છે. આ મહિલાઓ પશુંપાલનનો વ્યવસાય કરીને મહિને 7 લાખ જેટલી આવક મેળવે છે. મોટા ભાગની મહિલાઓ નિરક્ષર છે, પરંતુ નિરક્ષર હોવા છતા આ મહિલાઓની આવક તેમની આવડતને કારણે મોટા મોટા સરકારી અધિકારી કરતા પણ વધારે છે.
આ 10 મહિલાઓને સન્માનિત કરવામાં આવી
ચૌધરી નવલબેન દલસંગભાઇએ ૨.૫૨ લાખ કિ.ગ્રામ દૂધ વેચીને ૧ કરોડથી પણ વધુ રૂપિયાની કમાણી કરી
ચાવડા હંસાબા હિમંતસિંહએ ૨.૮૧ લાખ કિ.ગ્રામ દૂધ વેચીને ૭૭.૮૦ લાખથી પણ વધુ રૂપિયાની કમાણી કરી
રબારી દેવિકાબેન પુનમભાઈએ ૧.૯૫ લાખ કિ.ગ્રામ દૂધ વેચીને ૭૨.૮૯ લાખથી પણ વધુ રૂપિયાની કમાણી કરી
ચૌધરી સેજીબેન વજાજીએ ૨.૧૯ લાખ કિ.ગ્રામ દૂધ વેચીને ૭૧.૮૫ લાખથી પણ વધુ રૂપિયાની કમાણી કરી
સાલેહ મૈસરાબેન અમીનજીએ ૧.૩૬ લાખ કિ.ગ્રામ દૂધ વેચીને ૬૭.૨૮ લાખથી પણ વધુ રૂપિયાની કમાણી કરી
ચૌધરી મધુબેન વિરજીભાઈએ ૨.૧૧ લાખ કિ.ગ્રામ દૂધ વેચીને ૬૦.૪૫ લાખથી પણ વધુ રૂપિયાની કમાણી કરી છે.
રાજપૂત કેશીબેન ગુલાબસિંહએ ૨.૦૯ લાખ કિ.ગ્રામ દૂધ વેચીને ૫૮.૬૪ લાખથી પણ વધુ રૂપિયાની કમાણી કરી
વાગડા કેશીબેન વાલાભાઈએ ૨.૧૪ લાખ કિ.ગ્રામ દૂધ વેચીને ૫૭.૮૬ લાખથી વધુ રૂપિયાની કમાણી કરી
લોહ ગંગાબેન ગણેશભાઇએ ૧.૬૬ લાખ કિ.ગ્રામ દૂધ વેચીને ૫૩.૬૨ લાખથી વધુ રૂપિયાની કમાણી કરી
રાજપૂત મધુબેન ચંદનસિંહએ ૧.૭૮ લાખ કિ.ગ્રામ દૂધ વેચીને ૪૬.૪૦ લાખથી વધુ રૂપિયાની કમાણી કરી