પ્રવાસ / જન્માષ્ટમીના તહેવારમાં રદ થઈ આ 10 ટ્રેન, રખડી પડશે ફરવા જનારા હજારો પ્રવાસીઓ

મિની વેકેશન સમાન જન્માષ્ટમીની રજાઓ દરમિયાન  હરવા-ફરવાના શોખીન લોકોની આ વખતની સાતમ-આઠમ રેલવે તંત્રએ બગાડી નાખી છે. જન્માષ્ટમીના તહેવારો દરમિયાન ૧ર,૦૦૦ રેલ પ્રવાસીઓએ તહેવારોમાં ફરવા જવાનાં કરેલાં આયોજન અસ્તવ્યસ્ત થઇ ગયા છે. જે ટ્રેનોમાં સૌથી વધુ વેઈટિંગની પરિસ્થિતિ રહેતી હતી તેવી ૧૦ જેટલી ટ્રેન ચાલુ સપ્તાહમાં જ રદ કરી દેવામાં આવી છે. જેના કારણે બુકિંગ કરાવ્યું હોવા છતાં અનેક મુસાફરોને છેલ્લી ઘડીએ પ્રવાસ નહીં કરવાની અને સાથે જ રિફંડ લેવાની ફરજ પડી છે. 

લાંબા રૂટની ૧૦ ટ્રેન ચાલુ સપ્તાહે કેન્સલ કરી દેવાતાં તહેવાર ટાણે જ મુસાફરોની યાત્રા 'અ'મંગલમય બની છે. ગુજરાત સિવાયના દિલ્હી સહિતના અન્ય રાજ્યો અને હાલમાં ભારે વરસાદના કારણે પૂર જેવી પરિસ્થિતિ પ્રવર્તી રહી છે. રેલવે ટ્રેકમાં ધોવાણ થયું છે. આવા અનેક કારણોસર અનેક ટ્રેન કેન્સલ કરવામાં આવી છે. જેના કારણે બહારનાં રાજ્યોમાં ફરવા જવા ઇચ્છતા પ્રવાસીઓનો ધસારો ગુજરાતમાં વધી જશે એમ માનવામાં આવી રહ્યું છે. કેટલીક ટ્રેનના તો રૂટ પણ બદલી દેવામાં આવ્યા છે. આવા અનેક કારણોના કારણે પ્રવાસીઓનો મૂડ બગડ્યો છે. 

૩૧ ઓગસ્ટ સુધી રાજકોટ-પોરબંદર લોકલ તેમજ ર૧, ર૭, ૩૧ ઓગસ્ટની પોરબંદર-દિલ્હી સરાઈ રોહિલ્લા વાયા વાંસજાળિયા, જેતલસર થઇને જશે. રર, ર૩, ર૯, ૩૦ ઓગસ્ટની પોરબંદર-મુઝફ્ફરપુર મોતીહારી વાયા વાંસજાળિયા, જેતલસર થઇને જશે.

જાણી લો કઈ 10 ટ્રેન થઈ છે કેન્સલ