હાલમાં દિલ્હી પરિવહન વિભાગ દ્વારા શરૂ કરાયેલ વાહન સ્ક્રેપ પોલીસીમાં જાહેર કરાયેલા નવા નિયમો અનુસાર, 15 વર્ષ જુના પેટ્રોલ અને 10 વર્ષ જુના ડીઝલ વાહનોના માલિકોને 10,000 રૂપિયાનનો દંડ થશે.
વાહન સ્ક્રેપ પોલીસી દ્વારા પ્રદુષણ ઘટાડવાનો પ્રયાસ
દિલ્હી સરકારે જુના પેટ્રોલ-ડીઝલ વાહનો પર મૂક્યો હતો પ્રતિબંધ
2381 જુના પેટ્રોલ-ડીઝલ વાહનો કરાયા સ્ક્રેપ
રાજ્ય સરકારે કહ્યું કે, જો કોઈપણ જુના પેટ્રોલ-ડીઝલ વાહનો ચલાવે છે તો તેને ફજીયાત આ દંડ ભરવો પડશે. દંડ ઉપરાંત દિલ્હી ટ્રાન્સપોર્ટ વિભાગે તે પણ જાહેરાત કરી છે કે જો રસ્તાઓ પર 10 વર્ષ જુના ડીઝલ અને 15 વર્ષ જુના પેટ્રોલ વાહનો જોવા મળશે તો તે વાહનો જપ્ત કરી લેવામાં આવશે.
વાહન સ્ક્રેપ પોલીસી ઘટાડશે પ્રદૂષણ
ભારત સરકાર દ્વારા વાહન સ્ક્રેપ પોલીસી રજૂ કરવામાં આવી હતી. આ પોલીસી રજૂ થયા બાદ દિલ્હી સરકારે આશા રાખી રહી છે કે વાહનોના ધુમાડાથી થતાં પ્રદૂષણમાં ઘટાડો થાય. ભારતની સુપ્રીમ કોર્ટના નિર્ણય મુજબ, પરિવહન વિભાગ હવે રસ્તાઓ પર જોવા મળતા દાયકાઓ જુના પ્રદૂષણ ફેલાવનાર વાહનોને જપ્ત કરવા અથવા તેનો નાશ કરવાનો આદેશ આપી શકે છે.
દિલ્હી સરકારે મૂક્યો હતો પ્રતિબંધ
આપને જણાવી દઈએ કે 29 ઓક્ટોબર 2018ના રોજ સુપ્રીમ કોર્ટે રાષ્ટ્રીય પાટનગર દિલ્હીમાં 10 વર્ષ જુના પેટ્રોલ અને 15 વર્ષ જુના ડીઝલ વાહનો ચલાવવા પર પ્રતિબંધ મૂક્યો હતો. મોટર વાહન એક્ટ મુજબ, 15 વર્ષ જુના પેટ્રોલ અને 10 વર્ષ જુના ડીઝલ વાહનોના ચલાવનાર ચલાકોથી 10,000 રૂપિયાનો દંડ 5,000 સુધી ઘટાડીને વસુલી શકાય છે.
2381 વાહનો કરાયા સ્ક્રેપ
વાહન સ્ક્રેપ પોલીસી હેઠળ જૂના પ્રદૂષક વાહનોના ભંગારને પ્રોત્સાહન આપવા માટે, દિલ્હી સરકારે ચાર વાહન સ્ક્રેપિંગ સેન્ટરની સૂચિ જાહેર કરી છે, જેમાં વધુ સ્ક્રેપિંગ સેન્ટરો ટૂંક સમયમાં જ ઉમેરવાની ધારણા વ્યક્ત કરી છે. દિલ્હી-NCRમાં લગભગ 3.5 લાખ વાહનો સ્ક્રેપ કરવા પાત્ર છે. આ વર્ષે 30 મે સુધી, 2,831 વાહનોને દિલ્હીમાં સ્ક્રેપ કરી નાખવામાં આવ્યા હતા, જે જૂના વાહનોને સ્ક્રેપ કરી નાખવામાં આવેલી કુલ સંખ્યાના 1 ટકા કરતા પણ ઓછી છે.