આણંદ / અમૂલ ડેરીએ ફરી દૂધના ખરીદ ભાવમાં કર્યો વધારો, 7 લાખ પશુપાલકોને થશે ફાયદો

• અમૂલ ડેરીએ ફરી દૂધના ખરીદ ભાવ વધાર્યા
• 7 લાખ પશુપાલકોને મળશે ફાયદો
• પ્રતિ કિલો ફેટે 10 રૂપિયા વધાર્યા

ભેંસના દૂધનો ભાવ રૂપિયા 700થી વધારી રૂપિયા 710 કરવામાં આવ્યો છે. ગાયના દૂધમાં રૂપિયા 4.50નો વધારો કરવામાં આવ્યો છે. ગાયના દૂધનો ભાવ રૂપિયા 318થી વધારી રૂપિયા 322 કરવામાં આવ્યો છે. 11 ડિસેમ્બરથી આ ભાવ વધારો લાગી થશે.

7 લાખ પશુપાલકોને ફાયદો 

નોંધનીય છે કે, દૂધના ખરીદ ભાવમાં વધારો થવાનો સીધો જ ફાયદો રાજ્યના 7 લાખ પશુપાલકોને થવાનો છે. એક તરફ મોંધવારી દિવસે-દિવસે વધી રહી છે અને પશુઓના નિભાવ ખર્ચમાં પણ વધારો થઇ રહ્યો છે ત્યારે આ ભાવ વધારાનો ફાયદો પશુપાલકોને થશે. 

11 ડિસેમ્બરથી લાગુ પડશે ભાવ વધારો 

આણંદ ખાતે આવેલ વિશ્વ વિખ્યાત અમૂલે પોતાના પશુપાલકો માટે ખરીદ દુધના ભાવમાં વધારો કરવાનો નિર્ણય કરતા તેનો સીધો જ ફાયદો 7 લાખ પશુપાલકોને થવાનો છે. નોંધનીય છે કે, આ ભાવવધારો આગામી 11 ડિસેમ્બરથી લાગુ પડશે