સુરતના માંડવીમાં યુવતીનું અપહરણ કરીને શખ્સો ફરાર, યુવતીને 10 શખ્સો લઇને થઇ ગયા રફૂચક્કર, માંડવી પોલીસે ફરિયાદ નોંધી તપાસ હાથ ધરી
સુરત માંડવીના ખોડબા ગામે યુવતીનુ અપહરણ
33 વર્ષના હેમંત ચૌધરીના ફિયાન્સીનું થયુ અપહરણ
ક્લાસ માટે જતી વખતે થયુ અપહરણ
છેલ્લા ઘણા સમયથી સુરતમાં ગુનાખોરીનું પ્રમાણ વધી રહ્યું છે. લૂંટ, હત્યા, ચોરી, કિડનેપિંગ સહિતની ઘટનાઓમાં વધારો થઇ રહ્યો છે ત્યારે વધુ એક ઘટના સામે આવી. જેમાં યુવતીનું અપહરણ થયુ હોવાની ફરિયાદ નોંધાઇ છે. સુરતના માંડવીમાં પોલીસ ફરિયાદ નોંધાતા પોલીસે અપહરણકારોને ઝડપી પાડવા તપાસના ચક્રોગતિમાન કર્યા છે.
ફિયાન્સીનું અપહરણ કરીને શખ્સો ફરાર
વાત છે સુરતના માંડવીના ખોડબા ગામની. ક્લાસમાં જઇ રહેલી યુવતીનું કેટલાક અજાણ્યા શખ્સોએ અપહરણ કર્યું. યુવતી ક્લાસમાં જઇ રહી હતી તે સમયે કારને આંતરીને તેનું અપહરણ કરીને શખ્સો ફરાર થઇ ગયા. આ યુવતી 33 વર્ષના હેમંત ચૌધરીની ફિયાન્સી હતી. બે કાર અને 3 બાઇક પર આવેલા કુલ 10 શખ્સો યુવતીનું અપહરણ કરીને નાસી ગયા.
પરિવાર દિકરીની ચિંતામાં ગમગીન
ગામની સીમમાં વાંકલથી આંબાપારડી રોડ પર આ ઘટના બની., ઘટનાને પગલે યુવતીના પરિજનો શોકમાં ગરકાવ થયા છે.આખરે કોણે અપહરણ કર્યુ હશે, શું યુવતીના જાણીતા જ કોઇ હશે કે પછી ફિયાન્સના કોઇ સંબંધી કે મિત્રએ યુવતી પર ખાર રાખ્યો હશે ? હાલ તો ઘટનાને લઇને માંડવી પોલીસ યુવતીને શોધવાના તમામ પ્રયાસો કરી રહી છે.