અમદાવાદના વસ્ત્રાપુર વિસ્તારમાંથી પોલીસે દારૂની મહેફિલ માળતા શખ્સોને ઝડપી પાડ્યા છે. પોલીસે દારૂની મહેફિલમાં દરોડા પાડતા 10 શખ્સો મળી આવ્યા હતા. મળતી માહિતી મુજબ વસ્ત્રાપુરના રિજન્ટ પાર્કમાં 3 યુવતીઓ સહિત 10 લોકો દારૂની મહેફિલ માળી રહ્યા હતા. જેની જાણ થતા પોલીસે દરોડા પાડ્યા હતા. પોલીસે દરોડા પાડીને તમામ લોકોની ધરપકડ કરીને આગળની કાર્યવાહી હાથધરી છે.
અમદાવાદ શહેરનાં વસ્ત્રાપુરના બોડકદેવ વિસ્તારમાં મકાનના ધાબા પર દારૂની મહેફીલ માણતાં 3 યુવતીઓ સહિત 10 લોકોની ધરપકડ કરવામાં આવી છે. ઝડપાયેલા આરોપીઓમાં એક સગા ભાઈ- બહેન અને પતિ-પત્ની પણ સામેલ છે. આ લોકો બર્થ ડે પાર્ટીમાં દારૂની મહેફીલ માણી રહ્યાં હતાં. મળતી મુજબ વસ્ત્રાપુરના બોડકદેવ વિસ્તારમાં આવેલા રિજન્ટ પાર્ક બંગલોમાં ધાબા પર 10 જેટલા યુવક યુવતીઓની દારૂની મહેફિલ માણતા હતા.
આ બાબતની માહિતી પોલીસને આપવામાં આવી હતી. માહિતીના આધારે પોલીસે 4 નંબરના બંગલામાં રેડ કરી ત્રણ યુવતીઓ અને 7 યુવકોને દારૂ પીધેલી હાલતમાં ઝડપી લીધાં હતાં. પોલીસને બે ખાલી દારૂની બોટલો મળી હતી. પોલીસે હાજર એક શખ્સની પૂછપરછ તેનું નામ મોહિલ પટેલ હોવાનું જણાવ્યુ હતું. બર્થ ડે હોવાથી નાગપુરથી દારૂ લાવી મિત્રો સાથે પાર્ટી કરી હતી.
પોલીસે તમામની ધરપકડ કરી હતી. મોહિલ પટેલ રિજન્ટ પાર્કમાં જ રહે છે પણ હાલ નાગપુરમાં નોકરી કરતો હોવાથી ત્યાંથી દારૂ લાવી મિત્રો સાથે દારૂની પાર્ટી કરી હતી. નવાઈની વાત એ છે કે, ઝડપાયેલા આરોપીઓમાં એક સગા ભાઈ- બહેન અને પતિ-પત્નીનો પણ સમાવેશ થાય છે.