ભારતીય કોસ્ટ ગાર્ડ દ્વારા 10 પાકિસ્તાની નાગરીકોને બોટ સાથે ઝડપી લેવામાં આવ્યા છે. ગુજરાતમાં દરિયાઈ માર્ગેથી તેઓ ઘુસણખોરી કરીને આવ્યા હતા જેમને પોરબંદર પૂછપરછ માટે લઈ જવામાં આવ્યા છે.
કોસ્ટગાર્ડે 10 પાકિસ્તાનીઓને દબોચ્યા
ગુજરાતમાં દરિયાના રસ્તેથી ઘુસ્યા હતા
અગાઉ પણ 12 પાકિસ્તાનીઓ ઝડપાયા હતા
કોસ્ટગાર્ડ દ્વારા ગુજરાતના દરિયાકિનારેથી 10 જેટલા પાકિસ્તાની નાગરીકોને ઝડપી પાડવામાં આવ્યા છે. આ બધાજ પાકિસ્તાની બોટમાં સવાર હતા જે બોટનું નામ યાસીન હોવાનું સામે આવ્યું છે. ગતરોજ રાત્રીના સમયે કોસ્ટ ગાર્ડ દ્વારા ઓપરેશન હાથ ધરીને આ દરેકને દબોચી લેવામાં આવ્યા અને હાલ આ દરેકને પોરબંદર પૂછપરછ માટે લઈ જવામાં આવ્યા છે.
Indian Coast Guard ship ICGS Ankit has apprehended a Pakistani Boat 'Yaseen' with 10 crew in Indian waters in the Arabian sea during night ops y'day. The crew is being brought to Porbandar for further interrogation: Indian Coast Guard officials pic.twitter.com/vYmxFyKm4V
આ પહેલી વખત નથી બન્યુ કે કોઈ પાકિસ્તાની બોટ ઝડપાઈ હોય આ પહેલા પણ ગત વર્ષે સપ્ટેમ્બરમાં એક બોટ પકડાઈ હતી જેમા પાકિસ્તાનના 12 નાગરીકો ઝડપાયા હતા. ત્યારે આ વખતે બીજી વખત આ રીતે પાક નાગરીકો આપણા દેશમાં ઝડપાયા છે.
પંજાબમાં પણ એક બોટ ઝડપાઈ
ગત શુક્રવારે પણ બીએસએફ દ્વારા પંજાબના ફિરોજપુર જિલ્લાની સીમા પર એક પાકિસ્તાની બોટ ઝડપી હતી બીએસએફના જવાનો પેટ્રોલિંગમાં હતા તે સમયે સીમા પર આ બોટ ઝડપાઈ હતી. જે બોટ દ્વારા ડ્રગ્સની હેરાફેરી કરવામાં આવતી હતી. આ ઉપરાંત પંજાબમાં છેલ્લા કેટલાક દિવસોથી ઘણા બધા ડ્રોન પણ ઝડપાઈ રહ્યા છે.
દરિયાઈ માર્ગે ડ્રગ્સની હેરાફેરી
છેલ્લા ઘણા સમયથી એ વાત સામે આવી છે કે પાકિસ્તાન દરિયાના રસ્તેથી અન્ય દેશોમાં ડ્રગ્સની હેરાફેરી કરે છે. ગત મહિને પણ કોસ્ટ ગાર્ડ અને ગુજરાત એટીએસ દ્વારા એક સંયુક્ત અભિયાન ચલાવીને પાકિસ્તાની બોટ અલ હુસેનીને ભારતની સીમમાં ઝડપી લેવામાં આવી હતી. જેની તપાસ કરી તો અંદરથી 77 કિલો હેરોઈન મશી આવી હતી. જેની આંતરરાષ્ટ્રીય બજારમાં 400 કરોડ કિંમત થાય છે. સાથેજ તે સમયે પણ બોટ માથી 6 પાકિસ્તાનીઓને ઝડપી પાડવામાં આવ્યા હતા.