મહામારી / ગુજરાતીઓ માટે કોરોનાને લઈને રાહતના સમાચાર, 24 કલાકમાં 11,592 નવા કેસ,14,931 દર્દીઓ થયાં સાજા

•  
• ગુજરાતમાં કોરોના સંકટમાં થઈ રહ્યો છે ઘટાડો
• રાજ્યમાં આજે નોંધાયા 11,592 નવા કેસ
• 14,931 દર્દીઓએ કોરોનાને આપી મ્હાત

રાજ્ય સરકાર દ્વારા જાહેર કરવામાં આવેલ આંકડા પ્રમાણે રાજ્યમાં ગત 24 કલાકમાં કોરોનાના 11,592 નવા કેસ નોંધાયા છે તો સંક્રમણના કારણે આજે 117 લોકોના મોત નિપજ્યા છે. તો પ્રથમ ઘટના છે કે, કોરોનાની બીજી લહેરમાં કોરોનાના કેસ કરતા આજે પણ સાજા થનારનો આંકડો વધુ છે.

છેલ્લા 24 કલાકમાં 117 દર્દીઓના મોત અને સાજા થનારનો આંકડો રાહત આપનારો

ઉલ્લેખનીય છે કે, છેલ્લા 24 કલાકમાં રાજ્યમાં સતત બીજા દિવસે 117 લોકોના સારવાર દરમિયાન મોત થયાં છે. આમ ગુજરાતમાં અત્યાર સુધીમાં 8511 લોકોના મોત કોરોનાને કારણે થયાં છે. ગઇકાલ કરતા આજે કોરોનાના કેસમાં ઘટાડો જોવા મળ્યો છે. જો કે, નવા કેસની સામે આજે ગુજરાતમાં 14,931 દર્દીઓ સાજા થયાં છે. આ સાથે જ અત્યાર સુધીમાં 5,47,935 દર્દીઓ કોરોના મુક્ત થયાં છે. આમ આજે કેસ વધ્યા છે પરંતુ સાજા થનારનો આંકડો રાહત આપનારો છે. રાજ્યમાં હાલ 792 લોકો વેન્ટિલેટર પર છે. એક્ટિવ કેસનો આંકડો 1,36,158 પર પહોંચ્યો છે.

અત્યાર સુધીમાં 1,37,49,335 લોકોને અપાઇ રસી 

સારા સમાચાર એ છે કે, રાજ્યમાં અત્યાર સુધીમાં 1,37,49,335 લોકોનો કોરોનાની રસી આપવામાં આવી છે. 

સુરત અને અમદાવાદમાં કોરોના સંક્રમણ ઘટ્યું 

ગુજરાતમાં રસીકરણની કામગીરી ચાલુ હોવા છતાં બીજી તરફ પરિસ્થિતિ બેફામ છે. કોરોનાના કેસમાં સતત વધારો થતા ચિંતા વધી છે. અમદાવાદ શહેરમાં રાજ્યના સૌથી વધુ 3194 કેસ તો અમદાવાદ ગ્રામ્યમાં 69 કેસ નોંધાયા છે. જ્યારે સુરત શહેરમાં 823 નવા કેસ, જ્યારે સુરત ગ્રામ્યમાં 269 કેસ નોંધાયા છે. વડોદરા શહેરમાં 751 કેસ, જ્યારે ગ્રામ્યમાં 479 કેસ નોંધાયા. રાજકોટ શહેરમાં 319 કેસ અને ગ્રામ્યમાં 253 કેસ નોંધાયા છે.ત્યારે જાણો 24 કલાક દરમિયાન રાજ્યના તમામ જિલ્લામાં નોંધાયેલ કેસની વિગત...

1 મેથી અમદાવાદમાં કોરોના કેસમાં ઘટાડો

27 એપ્રિલે 31 હજાર ટેસ્ટ કરાયા જેમાં સૌથી વધારે 5,740 કેસ સામે આવ્યા હતા જ્યારે 9 એપ્રિલે અમદાવાદમાં 2,955 કોરોના કેસ હતા. છેલ્લા 10 દિવસમાં ટોપ 2000 કેસનો ઘટાડો નોંધાયો છે જ્યાં એપ્રિલના છેલ્લા વીકમાં ટેસ્ટના 20 ટકા કેસ પોઝિટિવ હતા.  મેના બીજા વીકમાં અમદાવાદમાં ટેસ્ટના 13 ટકા પોઝિટિવ કેસ સામે આવ્યા તો છેલ્લા એક અઠવાડિયામાં ટેસ્ટના 7 ટકા પોઝિટિવ કેસ ઓછા જોવા મળ્યા હાલ અમદાવાદમાં ઓક્સિજન અને બેડની સ્થિતિ હળવી બની છે જે જોતા કોરોના હળવો થવાની સંભાવના દર્શાવે છે.

વડોદરામાં કોરોનાના કેસમાં સતત વધારો

• મોટા શહેરમાં કેસ ઘટી રહ્યા છે ત્યારે વડોદરામાં વધારો 
• મે મહિના બીજા વીકમાં વડોદરામાં કેસ વધ્યા 
• 9 મેના રોજ વડોદરામાં 1161 કેસ નોંધાયા
• વડોદરાના સરેરાશ 9000 ટેસ્ટ સામે 1100થી વધારે કેસ
• વડોદરામાં ટોટલ ટેસ્ટનાં 13 ટકા કોરોના પોઝિટિવ
• વડોદરોમાં મે મહિનાની શરૂઆતથી કેસમાં વધારો થયો 
• વડોદરામાં કોરોનાની પીક દૂર હોવાની નિષ્ણાતોની ધારણાં
• પહેલી મેએ વડોદરામાં 783 કેસ નોંધાયા હતા 

ભાવનગરમાં પણ કોરોનાના કેસમાં ઘટાડો

• મેના પહેલી વીક બાદ ભાવનગરમાં કેસમાં ઘટાડો 
• બીજી મેના રોજ ભાવનગરમાં સૌથી વધારે 658 કેસ હતા
• એક અઠવાડિયાથી ભાવનગરમાં કોરોનાના કેસમાં ઘટાડો
• અઠવાડિયા પહેલા ભાવનગરમાં કુલ ટેસ્ટનાં 10 ટકા પોઝિટિવ હતા 
• આજે ભાવનગરમાં કુલ ટેસ્ટના 8 ટકા ટેસ્ટ પોઝિટિવ આવે છે
• ભાવનગરમાં કોરોના ઘટાડો નોંધાતા લોકોએ રાહતનો શ્વાસ લીધો 
• મે મહિનાના પહેલા અઠવાડિયામાં કોરોના પીક પર હતો

સુરતમાં કોરોનાના કેસમાં સતત ઘટાડો

• પહેલી મે બાદ સુરતમાં કોરોનાના કેસમાં ઘટાડો
• 9 મેના રોજ સુરતમાં કોરોનાના 1113 કેસ
• સુરતમાં હાલ સરેરાશ 33 હજાર ટેસ્ટ સામે 1100 કોરોનાના કેસ
• 27 એપ્રિલે સુરતમાં કોરોના પીક પર હતો 
• 27 એપ્રિલે સુરતમાં સૌથી વધારે 2269 કેસ નોંધાયા હતા 
• સુરતમાં આક્રમક ટેસ્ટીંગને કારણે કોરોનામાં અંશિક સફળતા મળી

રાજકોટમાં હજુ પણ સામાન્ય સ્થિતિ નહીં

• રાજકોટમાં સતત કેસમાં થઇ રહ્યો છે વધારો 
• 9 મેએ રાજકોટમાં સૌથી વધારે 746 કેસ 
• રાજકોટમાં ટેસ્ટમાં ઘટાડો છતાં કોરોનામાં વધારો
• એપ્રિલના છેલ્લા અઠવાડિયામાં 13 હજારથી વધારે થતા હતા ટેસ્ટ 
• હાલમાં રાજકોટમાં દરરોજ 9 હજાર જેટલા જ ટેસ્ટ 
• રાજકોટમાં ઓક્સિજનનો ઘટાડો પણ કેસમાં હજુ પણ વધારો

 જૂનાગઢમાં કોરોનાના કેસમાં સતત વધારો

• મે મહિનાના બીજા અઠવાડિયાથી કોરોનાના કેસમાં વધારો
• 8 મેના રોજ જૂનાગઢમાં સૌથી વધારે 505 કેસ નોંધાયા હતા
• મે મહિનામાં જૂનાગઢમાં સતત કેસમાં થઇ રહ્યો છે વધારો
• જૂનાગઢમાં કેસ વધ્યા છે છતા ટેસ્ટ થઇ રહ્યા છે ઓછા
• છેલ્લા એક વીકથી દરોજ સરેરાશ 400 જેટલા કેસ
• ઓક્સિજનની માગમાં ઘટાડો થયો પણ કેસમાં વધારો

જામનગરમાં બે દિવસથી કોરોના કેસમાં આંશિક ઘટાડો 

• છેલ્લા 10 દિવસથી સતત વધારા બાદ આંશિક ઘટાડો
• ગઇ કાલે જામનગરમાં આવ્યા હતા 586 કેસ નોંધાયા 
• મે અને એપ્રિલ મહિનામાં જામનગરમાં દરોજ 700થી વધારે કેસ
• પહેલા 4400 ટેસ્ટ થતા હતા હવે 3300 જ ટેસ્ટ થાય છે
• 9 મેના 3387 ટેસ્ટ કરાયા જેમાં 596 પોઝિટિવ કેસ નોંધાયા
• 27 એપ્રિલના 4412 ટેસ્ટમાંથી 697 પોઝિટિવ કેસ નોંધાયા 

ગાંધીનગરમાં ચાર દિવસથી કેસમાં આંશિક ઘટાડો

• ગાંધીનગરમાં ગઇ કાલે 3,245 ટેસ્ટમાંથી 270 કેસ નોંધાયા
• એપ્રિલના છેલ્લા વીકમાં સરેરાશ 300 કેસ હતા
• એપ્રિલના છેલ્લા વીકમાં કોરોના પીક પર હતો 
• એપ્રિલમાં સરેરાશ 4700 ટેસ્ટીંગ થતું હતું 
• હાલમાં સરેરાશ 3000 જેટલું ટેસ્ટીંગ થાય છે
• 27 એપ્રિલે  4,760 ટેસ્ટમાંથી 291 કેસ પોઝિટિવ હતા