OMG / ઐતિહાસિક ઘટના! 7 કિલોમીટર લાંબી પંગતમાં બેસીને 10 લાખ લોકોએ અહીં લીધું ભોજન

• અનોખું આયોજન 
• એક સાથે 10 લાખ લોકોએ સાથે બેસીને લીધું ભોજન 
• ઇન્દોરમાં સર્જાયો રેકોર્ડ 

આ ઘટના મધ્યપ્રદેશના ઇન્દોરમાં બની. જ્યાં 72 ફૂટ ઉંચી અષ્ટધાતુથી આકાર પામેલી હનુમાનજીની મૂર્તિની પ્રાણ પ્રતિષ્ઠાનું આયોજન કરવામાં આવ્યું હતું. આશ્ચર્યની વાત છે કે આ મૂર્તિનું નિર્માણ છેલ્લા 14 વર્ષથી ચાલી રહ્યું હતું. આ પ્રાણ પ્રતિષ્ઠા માટે 9 દિવસના અનુષ્ઠાનનું પણ આયોજન કરવામાં આવ્યું હતું. 

10 હજાર લોકોએ કર્યું પ્રસાદનું વિતરણ 

આ અવસર પર પ્રસાદ વિતરણ આયોજકોના દાવા અનુસાર, 10 લાખ લોકોએ પ્રસાદ લીધો હતો. આ મહાપ્રસાદની ખાસિયત એ હતી કે, 7 કિલોમીટર લાંબી બે પંગતમાં લોકોએ સાથે બેસીને પ્રસાદ લીધો હતો. જેમાં પ્રસાદ વિતરણ કરવાની જવાબદારી 10 હજાર લોકોએ સંભાળી હતી. 

પીરસવા માટે વાહનનો કરાયો વપરાશ

7 કિલોમીટર લાંબી પંગતને પીરસવા માટે બાઇક અને રિક્ષા જેવા વાહનોનો ઉપયોગ કરવામાં આવ્યો હતો. આ આયોજન મોટાપાયે કરવામાં આવેલું હોવાથી તેમાં 2 હજાર ઘીના ડબ્બા, 1 હજાર ક્વિન્ટલ ખાંડ અને 1 હજાર ક્વિન્ટલ લોટ તથા 500 ક્વિન્ટલ શાકભાજીનો ઉપયોગ કરવામાં આવ્યો હતો. 

મોટી સંખ્યામાં લોકો થયાં સામેલ 

આયોજનમાં શામેલ થનાર ઇન્દોર સિવાય દેવાસ, ઉજ્જૈન અને આસપાસના શહેરોમાંથી લોકો સામેલ થયા હતા. આટલી મોટી સંખ્યામાં લોકોઓ 7 કિલોમીટર લાંબા રોડ પર ખાવાનું બનાવવામાં આવ્યું હતું.