અમેરિકાના ન્યુયોર્કમાં Buffalo Supermarket માં અંધાધૂંધ ગોળીબારમાં 10 લોકોના મોત નિપજ્યા છે. આ ઘટના વંશીય કારણોસર બની હોવાનું અનુમાન છે. જો કે અમેરિકન ઇન્વેસ્ટિગેશન એજન્સી FBI દ્વારા તપાસ ચાલી રહી છે.
ન્યૂયોર્કમાં બની મોટી દુર્ઘટના
સુપરમાર્કેટમાં થયો અંધાધૂંધ ગોળીબાર
ઓછામાં ઓછા 10 લોકો મર્યાનો દાવો
ન્યૂયોર્કમાં બફેલો સુપરમાર્કેટમાં શનિવારે બપોરે ગોળીબારમાં ઓછામાં ઓછા 10 લોકો માર્યા હતા. મૃત્યુઆંક હજુ વધી શકે છે. પોલીસના જણાવ્યા અનુસાર બંદૂકધારીને કસ્ટડીમાં લેવામાં આવ્યો છે.
ટોપ્સ ફ્રેન્ડલી માર્કેટમાં બપોરે ફાયરિંગ થયું હતું. જો કે, કુલ મૃતકોની સંખ્યા અને તેમની સ્થિતિ વિશે વધુ વિગતો હાલ પૂરતી ઉપલબ્ધ નથી. ગવર્નર કેથી હોચુલે એક ટ્વિટમાં જણાવ્યું હતું કે તેઓ તેમના વતન બફેલોમાં કરિયાણાની દુકાનમાં બનેલી ઘટના અંગે અધિકારીઓના સંપર્કમાં છે.
At least eight people have been killed in a shooting at a supermarket in Buffalo, New York, said law enforcement officials: The Associated Press
મળતી માહિતી મુજબ, ન્યૂયોર્ક સિટીના પશ્ચિમ વિસ્તારમાં સ્થિત બફેલોના સુપરમાર્કેટમાં બનેલ આ ઘટનાની જાણ થતાં જ પોલીસ અધિકારીઓ ઘટનાસ્થળે પહોંચી ગયા હતા. સ્થાનિક મીડિયાના અહેવાલમાં કહેવામાં આવ્યું છે કે બે પોલીસ અધિકારીઓએ નામ ન આપવાની શરતે જણાવ્યું હતું કે આ ઘટનામાં લગભગ 10 લોકોના મોત થયા હતા.
બંદૂકધારી સુપરમાર્કેટમાં ઘૂસ્યો અને..
એક અધિકારીએ જણાવ્યું કે બંદૂકધારી સુપરમાર્કેટમાં ઘૂસી ગયો અને ગોળીબાર કર્યો હતો. અન્ય તપાસ અધિકારીએ કહ્યું હતું કે એવું લાગે છે કે બંદૂકધારી ગોળીબારની ઘટનાનું ઈન્ટરનેટ પર લાઈવ સ્ટ્રીમિંગ કરી રહ્યો હતો. જોકે આ અંગે તપાસ ચાલી રહી છે.
અધિકારીએ કહ્યું કે તપાસ હજુ પ્રાથમિક તબક્કે છે, ગુના પાછળનું કારણ હજુ સુધી જાણી શકાયું નથી. આ ઘટનાને વંશીય ઘટના તરીકે પણ તપાસવામાં આવી રહી છે. કારણ કે સુપરમાર્કેટની આસપાસનો વિસ્તાર લગભગ ત્રણ મીટર બ્લેક સ્કીન લોકોનું રહેણાંક છે.
#UPDATE Authorities have arrested the gunman after he live-streamed the "racially motivated" attack on a New York grocery store, reports AFP
એક વિટનેસના જણાવ્યા અનુસાર, બંદૂકધારી સૈન્ય કર્મચારીઓનો ડ્રેસ પહેર્યો હતો. 20 વર્ષીય બ્રેડિન કેફર્ટ અને શેન હિલે જણાવ્યું હતું કે, જ્યારે અમે બંદૂકધારીને બહાર આવતા જોયો ત્યારે અમે પાર્કિંગમાં હતા. અમારું અનુમાન છે કે તે 18 થી 20 વર્ષની વય વચ્ચેનો પુરુષ હતો, તેણે કાળું હેલ્મેટ પહેર્યું હતું અને તેના હાથમાં રાઇફલ હતી.
જો કે આરોપીની ધરપકડ કરવામાં આવી છે અને અઆ હુમલો વંશીય ભેદભાવથી કરવામાં આવ્યો હોવાનું માનવામાં આવી રહી છે.