ફ્લાવર અને કોબીજ અત્યારની સીઝનમા સૌથી સરળતાથી ઉપલબ્ધ થતી શાકભાજી છે. તેનો ઉપયોગ અલગ અલગ વાનગીઓ બનાવવા માટે કરવામાં આવે છે. આ શાકભાજી ભલે સાવ સામાન્ય હોય, પરંતુ તેમાંથી મળતા ફાયદા ઘણા છે અને તે એકદમ ખાસ પણ છે.
ફ્લાવર અને કોબીજમાંથી કેલ્શિયમ, ફોસ્ફરસ, પ્રોટીન, કાર્બોહાઇડ્રેટ અને લોહ તત્વ ઉપરાંત વિટામીન એ, બી, સી, આયોડિન અને પોટેશિયમ તથા થોડી માત્રામાં તાંબુ પણ હોય છે. ફ્લાવર તમને આટલો બધા પોષકતત્વો એકસાથે આપે છે.
તે લોહી શુધ્ધ કરીને ચામડીના રોગોથી બચાવે છે. તમે તેનુ શાક ખાઇ શકો છો અને તેનું જ્યુસ બનાવીને સેવન પણ કરી શકો છો.
સાંધાનો દુખાવો કે હાડકામાં દુખાવો હોય ત્યારે ફ્લાવર, કોબી અ ગાજરનો રસ એક સરખી માત્રામાં ભેળવીને પીવાથી લાભ થાય છે. સતત ત્રણ મહીના સુધી તેનુ સેવન લાભદાયક છે.
કોલાયટિસ, પેટનો દુખાવો કે પેટની અન્ય કોઇપણ સમસ્યામાં કોબી ફાયદાકારક છે. ચોખાના પાણીમાં તેના લીલા ભાગને પકાવીને તેનું સેવન કરવાથી પેટની સમસ્યાઓ દુર થાય છે.
લિવરમાં રહેલા એન્ઝાઇમ્સને સક્રિય કરવામાં પણ ફ્લાવરનું સેવન મદદગાર હોય છે. તેના સેવનથી લીવર યોગ્ય રીતે કામ કરે છે અને શરીરમાંથી ઝેરીલા તત્વો બહાર કરી દે છે.
ગળાની સમસ્યા જેમકે ગળામાં દુખાવો, સોજો વગેરેમાં ફ્લાવરના પાનને પીસીને તેનો રસ કાઢીને તેનું સેવન કરો. કોબીજના પાનનું પણ આમ કરી શકાય છે. તે ગળાની સમસ્યાઓમાં લાભદાયક સાબિત થશે.
પેઢામાં દુખાવો હોય કે લોહી નીકળતુ હોય ત્યારે પણ કોબી-ફ્લાવરના પાનના રસના કોગળા કરવા ફાયદાકારક રહેશે. તે પેરાથાઇરોઇડ ગ્રંથિના કાર્યોને યોગ્ય રીતે કરવામાં મદદરુપ થશે.
ગર્ભાવસ્થા દરમિયાન કોબી અને ફ્લાવર ફાયદાકારક છે. તે ફોલેટ, વિટામીન એ અને વિટામીન બીથી ભરપુર હોય છે. કોશિકાઓના વિકાસની સાથે ગર્ભમાં ઉછરી રહેલા બાળકને પણ તેનાથી ખુબ લાભ થાય છે. કોબી વિટામીન સીનો ઉત્તમ સ્ત્રોત છે.
વજન ઘટાડવામાં પણ કોબીજ ફાયદાકારક છે. તેમા રહેલુ વિટામીન સી વધારાની ચરબીને દુર કરવામાં મદદ કરે છે. તેમાં ફોલેટની હાજરીથી તે મેદસ્વીતામાંથી પણ છુટકારો અપાવે છે. તેમાં સ્ટાર્ચ પણ હોતા નથી.
તેમાં એન્ટીઓક્સિડન્ટની સાથે કેલ્શિયમની પણ ભરપુર માત્રા હોય છે. તે હાડકા અને દાંતને મજબુત બનાવે છે.