સરકારી રેલ્વે પોલીસે વસુલી કરનારા આરોપી એક કરોડપતિ ફેરીયાવાળો, તેની પત્ની અને છ અન્ય સહયોગીઓની સામે સખત મહારાષ્ટ્ર નિયંત્રણ સંગઠિત અપરાધ અધિનિયમ (મકોકા) લગાવ્યો છે અને તેની ઘણી સંપત્તિઓને જપ્ત કરી લેવામાં આવી છે.
રેલવે પોલીસે રૂપિયા ઉઘરાવનારા એક ફેરિયાને ઝડપ્યો
પોલીસે આરોપી સામે મકોકા હેઠળ નોંધ્યો ગુનો
પોલીસે આરોપીની કરોડોની સંપત્તિ કરી જપ્ત
પોલીસે કેમ લગાવી MCOCA?
પોલીસના એક અધિકારીએ જણાવ્યું કે, આરોપી સંતોષકુમાર સિંહ ઉર્ફે બબલુ ઠાકુરની પાસે કરોડોની સંપત્તિ છે. જેમાં બે મોંઘી કારો અને એક મોટરસાઈકલ, મુંબઈમાં 10 ઘર, ઉત્તર પ્રદેશમાં પૂર્વજોની જગ્યાએ બે પ્લોટ, પાંચ એકર કૃષિ ભૂમિ, દોઢ કિલોગ્રામ સોનું, 10 લાખ રૂપિયાની વીમા પોલિસી અને બેંકના લગભગ 30 ખાતામાં રોકડા રૂપિયા સામેલ છે. તેમણે જણાવ્યું કે, ઠાકુર રેલવે સ્ટેનો પર ફેરિયાઓ પાસે કથિત રીતે રૂપિયા ઉઘરાવવામાં સંડોવાયેલો છે અને જે ફેરિયાઓ રૂપિયા આપવાનો ઈન્કાર કરતા હતા તેમને મારતો હતો અને ધારદાર હથિયારો દ્વારા તેમની પર હુમલો કરતો હતો. તેમણે જણાવ્યું કે, અન્ય જોગવાઈઓ સિવાય આરોપીની સામે સખત મકોકાની જોગવાઈઓ હેઠળ ગુનો નોંધવામાં આવ્યો છે.
આરોપી રેલ્વે સ્ટેશનો પર ચલાવતો હતો વસુલી રેકેટ
અધિકારીએ વધુમાં જણાવ્યું કે, આરોપી દાદર, છત્રપતિ શિવાજી મહારાજ ટર્મિનસ, ભાયખલા અને કુર્લા રેલ્વે સ્ટેશનોની સાથે પાડોશી થાણે શહેર અને કલ્યાણ નગરમાં સ્ટેશનો પર વસુલી રેકેટ ચલાવી રહ્યો છે. દાદર જીઆરપીના વરિષ્ઠ નિરીક્ષક જ્ઞાનેશ્વર કાતકરે કહ્યું કે, ઠાકુર અને તેની પત્ની રીતા સિંહ સામે ઘણાં કેસો નોંધાયેલા છે અને તેમાંથી ઘણાં હજી પણ કોર્ટમાં પેન્ડિંગ છે.