ભવાન ભરવાડની ગોકુલ હોટલમાં સોલા પોલીસ દ્વારા રેડ કરવામાં આવી હતી. જે દરમિયાન હોટલમાં જુગાર રમતા 10 શખ્સોને ઝડપી પાડવામાં આવ્યા છે.
વિવાદનું કેન્દ્ર બનેલી ગોકુલ હોટલ ફરી વિવાદમાં આવી છે. ભવાન ભરવાડની ઓળખ બનેલી ગોકુલ હોટલ પર સોલા પોલીસ દ્વારા રેડ કરવામાં આવી હતી. જેમાં હોટલમાં જુગાર રમતા 10 જુગારીઓને ઝડપી પાડવામાં આવ્યા છે. મહત્વનું છે કે, આ હોટલ ભાજપના કદાવર નેતા ભવાન ભરવાડની છે. ભવાન ભરવાડ અગાઉ ધારાસભ્ય રહી ચૂક્યા છે. જોકે આ હોટલમાં સુવ્યવસ્થિત રીતે ચાલતું ગુનાખોરીનું ધામ છે.
પોલીસ માટે ધામ કેમ છે 'ગોકુલ'?
ગોકુલ હોટલ એક સુવ્યવસ્થિત રીતે ચાલતું ગુનાખોરીનું ધામ છે. ગોકુલ હોટલમાં જુગારનો અડ્ડો ચાલે છે તે નવી વાત નથી. પોલીસના દરોડા કરતા પહેલા જ ગોકુલ હોટેલમાં માહિતી પહોંચી જાય છે. હપ્તાખોર પોલીસને ગોકુલ હોટલના તમામ ધંધાની જાણ છે. અમદાવાદના સારા વિસ્તારોની આજુબાજુમાં ગોકુલ હોટલ ધમધમે છે. ગોકુલ હોટલમાં ચાલતા જુગારના અડ્ડાની માહિતી પોલીસને છે જ. ઉપરથી દબાણ આવે એટલે દરોડા થાય પણ મળે કશું જ નહીં. એક વેપારી પાસે લેણી રકમ માટે ભવાન-દિનેશ સામે ફરિયાદ થઈ હતી. પોલીસ સ્ટેશનમાં તેમની સામે ગુનો નોંધાય પણ થાય કશું જ નહીં. ગોકુલ ધામની આજુબાજુ લુખ્ખા બોડીગાર્ડનું સામ્રાજ્ય છે. હિન્દી ફિલ્મોમાં બતાવાતા અડ્ડા જેવું તંત્ર ગોકુલધામમાં ચાલે છે. મીડિયા કે પોલીસ પણ ઈચ્છે એવી રીતે એન્ટ્રી કરી શકતા નથી. પોલીસને ગોકુલ હોટલ કેવી રીતે સાચવે છે તે સૌથી મોટો સવાલ છે. લોકો પોલીસના દંડાનો ભોગ બને જ્યારે ગોકુલ હોટલ બે દાયકાથી ચાલે છે.
કોણ છે ભવાન ભરવાડ?
ભવાન ભરવાડ ભાજપના કદાવર નેતા છે
ભવાન ભરવાડ અગાઉ ધારાસભ્ય રહી ચૂક્યા છે
2012 સુધી ભવાન ભરવાડ કોંગ્રેસમાં હતા
હવે ભાજપમાં રહીને તેનું રાજકારણ ચલાવે છે
તેઓ ઘેટા-ઉન વિકાસ નિગમના ચેરમેન હતા
અગાઉ વિવાદનું કેન્દ્ર રહી ચૂકી છે ગોકુલ હોટલ
2007માં કિરીટસિંહ સામે ભવાન ભરવાડ હાર્યા હતા
જૂગારધામ માટે કુખ્યાત છે ગોકુલ હોટલ
ભવાન ભરવાડની ઓળખ બની ગઇ આ હોટલ
ભવાન ભરવાડ પહેલા કોન્સ્ટેબલ હતા
ત્યારે અનેક સવાલો થાય છે કે, ગોકુલ હોટેલ પર ચાલતા અડ્ડા બંધ કેમ નથી થતા? શું ગુજરાતના યુવાનોને બગાડવા ચાલે છે ગોકુલ હોટલ? જુગારીઓ માટે કાયમી થાણું કેમ છે ગોકુલ હોટલ? અમદાવાદના મુખ્ય રસ્તા પર જુગારનો અડ્ડો કેવી રીતે ચાલે? પોલીસ આ અડ્ડાને તાળાબંધી કેમ નથી કરાવતી? મહાનગરપાલિકાની નજર આ અડ્ડા પર કેમ નથી જતી? શું રાજકીય શરણ ધરાવતા લોકો આવા અડ્ડા ચલાવી શકે? શું અડ્ડા ચલાવનારા રાજકીય શરણ લઈ રહ્યાં છે? શું જુગારનો અડ્ડો ચલાવવા આવા લોકો પક્ષનું શરણું લે છે? ગોકુલ હોટલ વર્ષોથી કેમ ધમધમી રહી છે?