યૂટિલિટી / રોજિંદા વપરાશની આ ચીજોને ભૂલથી પણ ન રાખશો ફ્રિઝમાં, નહીં તો થશે મોટું નુકસાન

• ફ્રિઝમાં ન રાખો આ વસ્તુઓ
• ફ્રિઝમાં રાખવાથી આ વસ્તુઓ થશે ખરાબ
• 10 ચીજો કે જેને ક્યારેય ફ્રિઝમાં ન રાખવી જોઈએ

કેળા
કેળાને ક્યારેય ફ્રિઝમાં ન રાખો. તેને બહાર ખુલ્લા જ રહેવા દો. કેમકે જ્યારે તમે તેને ફ્રિઝમાં રાખો છો તો તે કાળા પડવા લાગે છે. તેમાંથી ઈથાઈલીન ગેસ નીકળે છે તે આસપાસના ફળને પણ ખરાબ કરી શકે છે. 

ટામેટા
ટામેટાને પણ ફ્રિઝમાં ન રાખો. તમે તેને ફ્રિઝમાં રાખો છો તો તે ઝડપથી ઢીલા પડી જાય છે અને તેનો ટેસ્ટ પણ અમુક સમય પછી ખરાબ થવા લાગે છે. તમે તેને ફ્રિઝની બહાર રાખો તે જ યોગ્ય છે. 

કોફી
કોફીમાં હવા લાગવાથી પણ તે ખરાબ થઈ શકે છે. તેને કોરી જગ્યા પર રાખો. જો તમે તેને ફ્રિઝમાં રાખો છો તો તે ઝડપથી ખરાબ થઈ શકે છે. તેને બહાર જ એરટાઈટ ડબ્બામાં પેક કરીને રાખો તે યોગ્ય છે.

મધ
મધને ક્યારેય ફ્રિઝમાં ન રાખવું. એક બરણીમાં બંધ કરીને રાખવાથી તે વર્ષો સુધી સારું રહે છે. ફ્રિઝમાં રાખવાથી તે જામી જાય છે અને પછી તમને યૂઝ કરવામાં પણ મુશ્કેલી પડી શકે છે. 

અથાણું
અથાણામાં વિનેગર હોય છે. તેને ફ્રિઝમાં રાખવાથી તે ખરાબ થાય છે અને અન્ય ચીજોને પણ ઝડપથી ખરાબ કરી શકે છે. તેને બહાર જ કાચની બરણીમાં કે પછી એરટાઈટ ડબ્બીમાં રાખો તે યોગ્ય છે. 

બટાકા
બટાકાને ફ્રિઝમાં ન રાખવાના અનેક કારણો છે. તેને ફ્રિઝમાં રાખવાથી તેનો સ્ટાર્ચ શુગરમાં ફેરવાવવા લાગે છે. તેનાથી બટાકાના સ્વાદ પર પણ અસર થાય છે. માટે તેને બહાર જ ટોપલીમાં રાખો તે સારું છે. 

તેલ
કેટલાક તેલ જેવા કે નારિયેળ તેલ અને ઓલિવ ઓઈલને ફ્રિઝમાં ન રાખો. તેમાં રાખવાથી તે ઘટ્ટ થઈ જાય છે. ફ્રિઝમાંથી કાઢ્યા પછી તેને રૂમ ટેમ્પ્રેચર પર રાખવામાં ઘણો સમય બગડે છે. માટે તેને બહાર જ રાખો તે યોગ્ય છે.

ખાટા ફળ
ખાટા ફળને ક્યારેય ફ્રિઝમાં રાખવા નહીં. સંતરા, લીંબું, મોસંબી જેવા ફળને ફ્રિઝમાં રાખવામાં આવે તો તેની છાલ કાળી પડી જાય છે.અને તેનો રસ પણ સૂકાવવા લાગે છે. 

ડુંગળી
ડુંગળીને ક્યારેય ફ્રિઝમાં ન રાખવી જોઈએ. તે ફ્રિઝના ભેજના કારણે ભીંજાઈ જાય છે અને ડુંગળી ખરાબ થઈ જાય છે. આ સિવાય તેની સ્મેલ ફ્રિઝની અન્ય વસ્તુઓમાં પણ બેસી જાય છે. 

લસણ
લસણને ફ્રિઝમાં રાખવાથી તે ઝડપથી ખરાબ થાય છે. તેમાં ભેજ આવતા તે ભીનું થઈ જાય છે અને સાથે તેને છોલવામાં મુશ્કેલી પડી શકે છે.