OMG / મુંબઈમાં વિશાળકાય અજગરની થશે પ્લાસ્ટિક સર્જરી, 45 દિવસ ચાલે છે સારવાર, જાણો શું છે મામલો

• 10 ફૂટ લાંબા અજગરના શરીર પર ફ્રેક્ચર જોવા મળ્યું
• અજગરની સારવાર છેલ્લાં 45 દિવસોથી ચાલુ છે
• અજગરને ત્રણ મહિના સુધી અંડર ઓબ્ઝર્વેશનમાં રખાશે 

અજગરના શરીરમાં ઘણા ફ્રેક્ચર અને ઘા હતા

ગંભીર સ્થિતિ હોવાથી અજગરની પ્લાસ્ટિક સર્જરી હજી પણ ચાલુ છે, ત્યારબાદ તેને ત્રણ મહિના સુધી અંડર ઑબ્ઝર્વેશનમાં રાખવામાં આવશે. વન વિભાગના સહયોગથી Resqink Association for Wildlife Welfare દ્વારા ગયા મહિને એક 10 ફૂટ લાંબા વિશાળકાય ઈન્ડિયન રોક પાઇથનનુ રેસ્ક્યુ કરવામાં આવ્યું. રેસ્ક્યુ ટીમે ઘાયલ અજગરને વેટરનરી ડૉકટરની પાસે પહોંચાડ્યો અને તેની સારવાર શરૂ કરવામાં આવી. ખરેખર, આ અજગરના શરીરમાં ઘણા ફ્રેક્ચર અને ઘા હતા. આ ભારતમાં સંરક્ષિત પ્રજાતિઓના કોઈ જીવ માટે આ પહેલી ક્રિટીકલ ઉપચાર પ્રક્રિયા હોઇ શકે છે.  

અજગરના શરીર પર ફ્રેક્ચર જોવા મળ્યું

8 થી 12 વર્ષની ઉંમરની વચ્ચે આ સરીસૃપ વિશ્વના સૌથી વધુ આબાદીવાળા શહેરોમાંથી એક મુંબઈના વ્યસ્ત બસ સ્ટોપ પર મળ્યો હતો. આ અજગરના જડબામાં ફ્રેક્ચરની સાથે ચહેરો અને માથા પર ઘણા અન્ય ફ્રેક્ચર અને અમુક મોટા ઘા જોવા મળ્યા હતા. રેસ્ક્યુ ટીમ અને પશુ ચિકિત્સક તેની ઊંડી સારસંભાળ કરી રહ્યાં છે. તેમનુ કહેવુ છે કે અજગરને બચાવવા માટે એક પુન:નિર્માણ પ્લાસ્ટિક સર્જરી કરવી પડશે. RAWWના સંસ્થાપક પવન શર્મા કહે છે કે અજગરની ઈજાની પ્રકૃતિ ખૂબ ગંભીર છે.

Mumbai | 10 feet long Indian Rock Python was rescued by RAWW in coordination with Forest Department last month with multiple fractures and open wounds. The snake has been critical since then. Python's plastic surgery is being performed now: Dr Rina Dev (07.09) pic.twitter.com/6YpjQo1TDi

— ANI (@ANI) September 8, 2022

અજગરની સ્થિતિ હજુ પણ છે ગંભીર 

ન્યુજ એજન્સી એએનઆઈ મુજબ 10 ફૂટ લાંબા ઈન્ડિયન રોક પાઈથનની સારવાર હજી પણ યથાવત છે અને તેની સ્થિતિ ત્યારથી નાજુક છે. અજગરની સારવાર કરનારી પશુ ચિકિત્સક રીના દેવે કહ્યું છે કે અજગરની સારવાર છેલ્લાં 45 દિવસથી ચાલુ છે અને ત્યારથી તેની બે વખત સર્જરી કરવામાં આવી છે. ગંભીર સ્થિતિ હોવાને કારણે અજગરની પ્લાસ્ટિક સર્જરી હજી પણ થઇ રહી છે અને ત્યારબાદ તેને ત્રણ મહિના સુધી અંડર ઑબ્ઝર્વેશનમાં રાખવામાં આવશે.