બીસીસીઆઇ 25 જાન્યુઆરી વિમેન આઇપીએલમાં ભાગ લેનારી પાંચ ફ્રેન્ચાઇઝીના નામની જાહેરાત કરી શકે છે. આ ફ્રેંચાઇઝીની બોલી સીલબંધ કવરમાં જમા કરવામાં આવી છે. જોકે બોર્ડે દસ્તાવેજોમાં સ્પષ્ટ કર્યું હતું કે તે સૌથી વધુ કિંમતવાળી બોલીનો સ્વીકાર કરવા માટે બાધ્ય નથી.
BCCI પાંચ ફ્રેન્ચાઈઝીના નામની જાહેરાત કરી શકે
વિમેન આઇપીએલમાં ભાગ લેનારી પાંચ ફ્રેન્ચાઇઝીના નામની જાહેરાત થઇ શકે
વિમેન આઇપીએલ પૂરી થયા બાદ મેન્સ આઇપીએલ યોજાશે
વિમેન આઇપીએલનું આયોજન 5 થી ૨૩ માર્ચ દરમિયાન થાય તેવી આશા
બીસીસીઆઇએ ગત સપ્તાહે વિમેન આઇપીએલમાં સામેલ થનારી પાંચ ફ્રેંચાઇઝીની માલિકી અને સંચાલન માટે આવેદન મંગાવ્યાં હતાં. વિમેન આઇપીએલનું આયોજન પાંચથી ૨૩ માર્ચ દરમિયાન થાય તેવી આશા છે. વિમેન આઇપીએલ પૂરી થયા બાદ મેન્સ આઇપીએલ યોજાશે.
BCCIએ હાલ 10 શહેરને વિમેન આઇપીએલ માટે શોર્ટલિસ્ટ કર્યા
બીસીસીઆઇએ હાલ ૧૦ શહેરને વિમેન આઇપીએલ માટે શોર્ટલિસ્ટ કર્યા છે. આ શહેરોમાં અમદાવાદ (નરેન્દ્ર મોદી સ્ટેડિયમ), કોલકાતા (ઈડન ગાર્ડન), બેંગલુરુ (એમ. ચિન્નાસ્વામી), ચેન્નઈ (એમ.એ. ચિદમ્બરમ), દિલ્હી (અરુણ જેટલી સ્ટેડિયમ), ધર્મશાલા (એચપીસીએ સ્ટેડિયમ), ગુવાહાટી (બારસપારા સ્ટેડિયમ), ઇન્દોર (હોલકર સ્ટેડિયમ), લખનૌ (અટલ બિહારી વાજપેયી સ્ટેડિયમ) અને મુંબઈ (વાનખેડે, બ્રેબોર્ન, ડી. વાય. પાટીલ સ્ટેડિયમ)ના નામ છે.
નવ શહેરના એક-એક સ્ટેડિયમ પસંદ કરાયા
નવ શહેરના એક-એક સ્ટેડિયમ પસંદ કરવામા આવ્યાં છે, પરંતુ મુંબઈનાં ત્રણ સ્ટેડિયમનાં નામ છે. આમાંથી કોઈ એક સ્ટેડિયમની પસંદગી કરાશે. ટૂર્નામેન્ટ દરમિયાન ઉપલબ્ધતા અનુસાર સ્ટેડિયમને સ્વિચ પણ કરી શકાશે. ઈન્દોર, ધર્મશાલા અને ગુવાહાટીને બાદ કરતાં બાકીનાં બધાં સાત શહેરોને આ પહેલાં મેન્સ આઇપીએલના હોમ ગ્રાઉન્ડનો દરજ્જો મળી ચૂક્યો છે.
વિમેન આઇપીએલ સિઝનનું ફોર્મેટ નક્કી કરાયું
૨૦૨૩થી ૨૦૨૫ દરમિયાન વિમેન આઇપીએલ સિઝનનું ફોર્મેટ નક્કી કરવામાં આવ્યું છે. લીગ રાઉન્ડમાં બધી ટીમ એક ટીમ સામે બે-બે મેચ રમશે. આમ, કુલ ૨૦ મેચ રમાશે. પોઇન્ટ ટેબલમાં પ્રથમ નંબર પર રહેનારી ટીમ ફાઇનલમાં રમશે. બીજા અને ત્રીજા નંબરની ટીમ વચ્ચે એલિમિનેટર રમાશે, જેમાં જીતનારી ટીમ ફાઇનલમાં રમશે. બે નોક આઉટ મેચ મળીને પાંચ ટીમ વચ્ચે કુલ ૨૨ મેચ રમાશે. 2026ની સિઝનથી વિમેન આઇપીએલમાં ૩૩-૩૪ મેચ રમાશે, પરંતુ બીસીસીઆઇએ હજુ સુધી આ અંગે કોઈ વિગતવાર માહિતી આપી નથી.