અમદાવાદ પાંજરાપોળમાં ફરી એકવાર ગમખ્વાર અકસ્માત સર્જાયો છે. ડમ્પર ચાલકે એક્ટિવા ચાલક મહિલાને અડફેટે લીધી છે જેમાં મહિલાનું સ્થળ ઉપર જ મોત થયું છે. આ અકસ્માતને પગલે લોકોમાં રોષ ભભૂકી ઉઠ્યો હતો.
ડમ્પર ચાલકે એક્ટિવા ચાલક મહિલાને લીધી અડફેટે
અકસ્માતમાં મહિલાનું થયું મોત
પોલીસ ઘટના સ્થળે પહોંચી તપાસ હાથ ધરી
અકસ્માતના સ્થળેથી જ ડમ્પર ચાલકે ભાગવાની કોશિશ કરી હતી પરંતુ ત્યાં હાજર લોકોએ ડમ્પર ચાલકને ઝડપી પાડ્યો હતો. પોલીસ ઘટના સ્થળે પહોંચી હતી અને તપાસ હાથ ધરી હતી. અગાઉ આ જ ચાર રસ્તા ઉપર 21 નવેમ્બરનાં રોજ BRTSએ બાઈક ચાલકને અડફેટે લેતા બે સગા ભાઈઓનાં મોત નીપજ્યા હતા. ત્યારે પણ લોકોમાં રોષ ફાટી નીકળ્યો હતો.
પાંજરાપોળ ચાર રસ્તા ઉપર ફરીથી જીવલેણ અકસ્માત
પાંજરાપોળ ચાર રસ્તા ઉપર BRTS દ્વારા બે બાઈક સવારને અડફેટે લેતા મોત થયા હતા હવે આ જ ચાર રસ્તા ઉપર ડમ્પર ચાલકે એક્ટીવા ચાલવક મહિલાને અડફેટે લીધી હતી જેમાં મહિલાનું મોત થતાં પાંજરાપોળ ચાર રસ્તા ઉપર ટ્રાફિક મામલે તકેદારી ન રખાતી હોવાની ચર્ચાએ જોર પકડ્યુ છે.