શિક્ષણ / રાજકોટમાં મનપાની શાળામાં પ્રવેશ માટે 75 બેઠકો સામે 1 હજાર ફોર્મ ભરાતા તંત્ર પણ દુવિધામાં

• રાજકોટમાં વાલીઓ સરકારી શાળા તરફ વળ્યા
• સરકારી શાળામાં એડમિશન લેવા ધસારો
• 75 બેઠક સામે 1 હજારથી વધુ ફોર્મ ભરાયા

રાજકોટમાં માતા પિતાઓ હવે સરકારી શાળા તરફ વળ્યા છે. સરકારી શાળાઓમાં એડમિશન માટે વાલીઓની પડાપડી કરી રહ્યા છે મનપાની અંગ્રેજી નર્સરી શાળાની વાત કરવામાં આવે તો 75 બેઠકો સામે 1000થી વધુ ફોર્મ ભરાતા મનપા પણ હવે મુજવણમાં આવી ગયું છે. ત્યારે આગામી સમયામાં પ્રવેશને લઈ ડ્રો યોજી બાળકોને પ્રવેશ આપવામાં આવે તેવું મનાઈ રહ્યું છે. નગર પ્રાથમિક શિક્ષણ સમિતિના ચેરમેન નિર્ણય લેતા કહ્યું છે કે પ્રવેશ માટે ડ્રો યોજી એડમિશ આપવામાં આવશે. 

રાજકોટમાં વાલીઓ સરકારી શાળા તરફ વળ્યા

મહત્વનું છે કે કોરોના મહામારી બાદ મોટા ભાગના વાલીઓમાં આર્થિક મુશ્કેલીનો સામનો કરવો પડી રહ્યો છે. તેમજ સરકાર દ્વારા પણ હવે સરકારી શાળાઓમાં શિક્ષણની ગુણવત્ત સુધારવા તરફ ધ્યાન આપવામાં આવી રહ્યું છે.

મનપા દ્વારા અંગ્રેજી માધ્યમની શાળાઓ શરૂ કરવામાં આવતા હવે એડમિશન માટે વાલીઓનો ધસારો જોવા મળી રહ્યો છે. ઉલ્લેખનિય છે કે  રાજકોટ મનપાની કુલ 75 વિદ્યાર્થીઓને જ પ્રવેશ આપાવમાં આવે છે ત્યારે પ્રવેશ માટે 1000થી વધારે ફોર્મ ભરાઈ જતા પ્રવેશ ફાળવવામાં મુશ્કેલી સર્જાઈ છે. જેથી નગરપ્રાથમિક શિક્ષણ સમિતિ આગામી સમયમાં ડ્રો યોજી પ્રવેશ આપે તેવું મનાઈ રહ્યું છે.   

સરકારી શાળામાં એડમિશન લેવા ધસારો

કહી શકાય કે આજની મોંઘાવારીમાં બાળકો માટે ભણતરનો ખર્ચે કરવો મુશ્કેલ બને છે ત્યારે હવે વાલીઓ સરકારી શાળાઓ તરફ ફરી રહ્યા છે શિક્ષણને લઇ હવે સરકારી અને ખાનગી શાળાઓ વચ્ચે હરીફાઈ શરૂ થઇ છે. ખાનગી શાળાઓમાં અશિક્ષિત શિક્ષકો, વધતી ફીને લઈ  વાલીઓ પરેશાન થતા હોય છે તેમજ ખાનગી શાળા સંચાલકોની દાદાગીરીનો સામનો પણ કરવો પડતો હોય છે. ત્યારે વાલીઓ સરકારી શાળા તરફ વળ્યાં છે.