ક્રિકેટ / એક ભૂલની સૂર્યકુમાર યાદવને આકરી સજા! દિલ્હી ટેસ્ટ પહેલાં BCCIનો મોટો નિર્ણય, શું હવે ચાન્સ નહીં મળે!

• એક ભૂલની સૂર્યકુમાર યાદવને મળશે કડક સજા
• દિલ્હી ટેસ્ટ પહેલા BCCIએ ઉપાડ્યું પગલું
• તો શું હવે નહીં મળે તક!

ઓસ્ટ્રેલિયા સામેની ટેસ્ટમાં પણ સૂર્યકુમાર યાદવ નિષ્ફળ સાબિત થયા 

ભારતીય ટીમમાં અત્યારે ઘણી પ્રતિસ્પર્ધા ચાલી રહી છે અને જેના કારણે તેમનુ બીજી ટેસ્ટમાં જવુ નક્કી થયુ છે. બીસીસીઆઈએ મંગળવારે 14 ફેબ્રુઆરીએ સાંજે એક એવો નિર્ણય સંભળાવ્યો ત્યારબાદ સૂર્યકુમાર યાદવની ટેસ્ટ કારકિર્દી જોખમમાં પડી ગયુ છે. ભારત અને ઓસ્ટ્રેલિયા વચ્ચેની 4 મેચની ટેસ્ટ સીરીઝની પહેલી બે મેચ માટે જ્યારે પસંદગીકારોએ ટીમ પસંદ કરી તો તેમાં સૂર્યકુમાર યાદવનુ નામ પ્રશંસકો માટે રાહતભર્યુ હતુ. લાંબા સમયથી તેમને આ ફોર્મેટમાં તક આપવાની માંગ થતી હતી. ઓસ્ટ્રેલિયા સામે સુર્યકુમાર યાદવને નાગપુર ટેસ્ટમાં ડેબ્યુ કરવાની તક પણ મળી. પરંતુ તેઓ તેનો ફાયદો ઉઠાવવામાં નિષ્ફળ સાબિત થયા. 

શ્રેયસ ઐયરના બદલે સૂર્યકુમારને મળી હતી તક

ભારતીય ટીમના આક્રમક બેટર સૂર્યકુમાર યાદવને નાગપુર ટેસ્ટમાં શ્રેયસ ઐયરને ઈજા થઇ હોવાથી તક મળી હતી. આ એક તક તેમના માટે છેલ્લી તક જેવી હતી. પરંતુ તેમણે આ તકને બરબાદ કરી નાખી. મુશ્કેલ પરિસ્થિતિમાં મેદાન પર ઉતરેલા સૂર્યકુમાર યાદવ માટે હીરો બનવાની તક હતી. પરંતુ તેઓ નિષ્ફળ સાબિત થયા. 

BCCIએ શ્રેયસ ઐયરની વાપસીની જાણકારી શેર કરી 

બીસીસીઆઈએ 14 ફેબ્રુઆરીએ દિલ્હી ટેસ્ટ મેચ પહેલા શ્રેયસ ઐયરના ફિટ થઇને પાછા આવવાની જાણકારી શેર કરી. બોર્ડ તરફથી જણાવવામાં આવ્યું કે ઈજાગ્રસ્ત બેટર હવે સંપૂર્ણ રીતે ફિટ છે અને દિલ્હીમાં ટીમ સાથે જોડાશે. શ્રેયસ ઐયરનો ટીમમાં આવવાનો અર્થ છે કે તેઓ પ્લેઈંગ ઈલેવનનો ભાગ બનશે. બીસીસીઆઈએ ઈજાગ્રસ્ત બાદ આ ખેલાડીને ટીમ સાથે જોડાવાનો નિર્ણય કર્યો છે અને આ ફિટનેસને જોઇને લીધો છે. બોર્ડ તરફથી ઉઠાવવામાં આવેલુ આ પગલું સૂર્યકુમાર યાદવ માટે ટેસ્ટના રસ્તા બંધ કરવા જેવુ લાગી રહ્યું છે.